ខេត្តកំពង់ចាម៖ លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា ព្រឹទ្ធ សភា និងអធិការកិច្ច តំណាងសម្ដេចអគ្គមហាសេនាបតីតេជោហ៊ុនសែន និងសម្ដេចកិតិ្ដព្រឹទ្ធបណ្ឌិតប៊ុនរ៉ានីហ៊ុនសែន បានចុះពិនិត្យសមិទ្ធផលនានា នៅវត្ដសុវណ្ណគិរីបឹងដែង (ហៅវត្ដផ្កាឈូកមាស) និងជូបសំណេះសំណាល ជាមួយប្រជាពលរដ្ឋ៥០០នាក់ ស្ថិនៅឃុំព្រែកកក់ ស្រុកស្ទឹងត្រង់ ខេត្ដកំពង់ចាម ។
ដើម្បី ដាក់ឲ្យបងប្អូនប្រជាពលរដ្ឋប្រើប្រាស់ តាមគន្លង ប្រពៃណីព្រះពុទ្ធសាសនា ព្រោះកន្លងមកសមិទ្ធផលនានា ស្ថិតនៅវត្ដ សុវណ្ណគិរីបឹងដែងនេះ ត្រូវបានបំផ្លិច បំផ្លាញ ស្ទើរទាំងស្រុង ក្នុងជំនាន់ របបប៉ុលពត ទើបពុទ្ធបរិស័ទ រួមជាមួយលោកស្រី ម៉ែន សំអន និងមន្ដ្រីរាជការ សប្បុរសជន ជិតឆ្ងាយ បានផ្ដល់ថវិកាចូលរួម បរិច្ចាក ដើម្បីជួសជុលឡើងវិញ ដោយអ្នកស្រុក កំពង់ចាម មានជំនឿយ៉ាងខ្លាំងតែងតែទៅគោរព្ធបូជាបន់ស្រន់សុំសេចក្ដីសុខ សេក្ដីចម្រើន ដែលអ្នក ស្រុកជឿថាពូកែស័ក្ដិសិទ្ធិ ក្នុងពាក្យសម្បថចំពោះអ្នកណាមួយ ដែលក្បត់មិនស្មោះត្រង់ និងខ្លួនឯងត្រូវវិនាស ។
ក្នុងពិធីចុះពិនិត្យសមិទ្ធផលនានា កាលពីថ្ងៃទី២៧ ខែកញ្ញា ឆ្នាំ ២០១៥ លោកស្រី ម៉ែន សំអន បាន បញ្ជាក់ថា៖ វត្ដវត្ដសុវណ្ណគិរីបឹងដែង (ហៅវត្ដផ្កាឈូកមាស) ត្រូវបានជួសជុលឡើងវិញ តាមសុំណូមពររបស់ប្រជាពលរដ្ឋ ព្រោះទីអារាមនៅវត្ដនេះត្រូវបានបំផ្លិចបំផ្លាញ ខូចខាតស្ទើទាំងស្រុង កាលពីរបបខ្មែរក្រហម បច្ចុប្បន្ននេះ ត្រូវបានប្រជាពលរដ្ឋតែងតែ មកគោរព្ធបូជា បន់ស្រន់ តាមជំនឿសាសនា ប្រពៃណីដូនតា សុំសេចក្ដីសុខ សេចក្ដីចម្រើន ដែលប្រជាពលរដ្ឋមានជំនឿពូកែស័ក្ដិសិទ្ធិតាំងពីសម័យដើមមកម្លះ ។
លោកស្រីបន្ដថា៖ កន្លងមកលោកស្រីតែងតែមកទីនេះ ហើយបានឃើញប្រជាពលរដ្ឋជាច្រើនមកធ្វើបុណ្យ និងមកបន់ស្រន់តែមិន សមជាកន្លែង ដែលសមគួរ ទីនេះត្រូវបានបាក់បែកខូចខាត ស្ទើរទាំងស្រុងតាំងពីសម័យ សង្គ្រាម ដូច្នេះលោកស្រី និងមន្ដ្រីរាជការ ពុទ្ធបរិស័ទបានសម្រេចចិត្ដគៀងគររកសប្បុរសជន ជិតឆ្ងាយ ដើម្បីនាំយកថវិកាមកចូលរួមជួសជុល ឲ្យមានសោភ័ណ្ឌភាពស្អាត ក្លាយជាតំបន់ទេសចរណ៏ ដ៏សំខាន់ សំរាប់បងប្អូនប្រជាពលរដ្ឋជិតឆ្ងាយ មកទស្សនា កំសាន្ដផងដែរ និងជាពិសេសទៀតដើម្បីឲ្យសាកសមជាកន្លែងសក្ដិការៈបូជាតាមប្រពៃណីសាសនានៃយើង។
លោកស្រីបន្ដថា៖ វត្ដសុវណ្ណគិរីបឹងដែង ត្រូវបានជួសជុលឡើង វិញតាមរចនាបទ បែបបុរាណខ្មែរ ដោយបានកសាង វិមាន លោកតាបឹងដែង១អង្គ លោកយាយបឹងដែង១អង្គ សាលាឆាន់១ខ្នង, រោងវេទិការ១ខ្នង,កុដិ២ខ្នង,បុស្បុក ៨ ,សិលាចារិក១ផ្ទាំង ,រូបនរៈសឹង្ហ៨ ធ្វើអំពិថ្មភក់ ,អណ្ដូងទឹកស្អាតចំនួន២ ,បង្គោលភ្លើង ,ក្លោងទ្វាវត្ដ ,ដងទុង១គូរ និងចាក់សាបទីធ្លាជុំវិញវត្ដ ព្រោះវត្ដនេះត្រូវបានក៏កើតឡើងតាំងពីឆ្នាំ១៨៨៥មកម្លះ។ក្នុងរបបរប៉ុលពតត្រូវបានបំផ្លិចបំផ្លាញទាំងស្រុងក្រោថ្ងៃរំដោះ៧មការមកប្រជាពលរដ្ឋក៏បាននាំគ្នាចូលរួមកសាងឡើវិញ ដោយបានចាប់ផ្ដើមជួសជុល កសាងតាំងពី ខែកញ្ញាឆ្នាំ២០១៣ រហូតមកដល់ថ្ងៃនេះ សមិទ្ធលផលនានា ត្រូវបានសម្រេច៨០ភាគរយហើយ ។
លោកស្រីក៍បានថ្លែងនូវការអរគុណចំពោះសម្តេចតេជោហ៊ុន សែននិងសម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន និងសប្បុរជន ក្នុងក្រៅប្រទេសដែលបានចូលរួមឧបត្ថម្ភគាំទ្រក្នុងការជួយ ជ្រុមជ្រែងកសាង នូវទួលប្រាសាទព្រះអង្គតុលាការនេះ តាមទំនាមទម្លាប់ ប្រពៃណីនៃសាសនារបស់យើង ។ តំបន់នេះនិងក្លាយជាទី កន្លែងទេសចរណ៍ មួយដ៍សំខាន់សម្រាប់ភ្ញៀវជាតិ អន្ដរជាតិចូលមកទស្សនាកំសាន្ដ នៅទីនេះនាថ្ងៃអនាគតជាក់ជាពុំខាន ព្រោះកន្លែងនេះជាទីទួល ដែលមានបារមីដូនតាគោរព្ធបូជាដ៍ពូកែស័ក្ដិសិទ្ធិលោកស្រីសង្ឃឹមថាតំបន់នេះប្រាកដ ក្លាយជាកន្លែងទេសចរដ៍សំខាន់បំផុតទៅថ្ងៃអនាគត ៕
ដោយ៖ សំរិត
