ភ្នំពេញ៖ ជនបរទេសអន្តោ ប្រវេសន៍ភាគច្រើនជា ជនជាតិវៀតណាមដែលចូលមកធ្វើការជាកម្មករសំណង់ក្នុងប្រទេសកម្ពុជា ត្រូវបានកម្លាំងនគរបាលនាយកដ្ឋានអន្តោប្រវេសន៍ក្រសួងមហាផ្ទៃចុះត្រួតពិនិត្យរកឃើញអ្នកចូលមកស្នាក់នៅខុសច្បាប់ចំនួន៤៤នាក់ ដែលកំពុងតែសម្ងំធ្វើកម្មករនៅក្នុងសំណង់មួយកន្លែងស្ថិតនៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ ។
ប្រតិបត្តិការថ្មីនេះបានធ្វើ ឡើងនៅវេលាម៉ោង៤និង៤៥នាទី រសៀលថ្ងៃទី២៨ ខែកញ្ញា ឆ្នាំ២០១៥ ដឹកនាំដោយលោកឧត្តសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេតនិអនុវត្តនីតិវិធី សហការជាមួយកម្លាំងនគរបាលមូលដ្ឋាន ដោយមានការសម្របសម្រួលពីលោកមាស ច័ន្ទពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ ។ ក្នុងប្រតិបត្តិការនេះសមត្ថកិច្ចបានធ្វើការត្រួតពិនិត្យជនជាតិវៀតណាមចូលមកស្នាក់នៅចំនួនជាង៤៤នាក់ ហើយត្រូវ បានបញ្ជូនទៅកាន់អគ្គនាយកដ្ឋានអន្តោប្រវេសន៍ដើម្បីធ្វើការត្រួតពិនិត្យឯកសារពាក់ព័ន្ធ ដោយអនុត្តតាម ច្បាប់អន្តោប្រវេសន៍របស់កម្ពុជា ។
បើតាមការអោយដឹងពីនគរ បាលអន្តោប្រវេសន៍បានប្រាប់ថា ជនជាតិវៀតណាម ទាំង៤៤នាក់អាចប្រឈមមុខនិងការបណ្តេញពីប្រទេសកម្ពុជាប្រសិនបើសមត្ថកិច្ចរកឃើញថាគ្មានឯកសារគ្រប់គ្រាន់ស្របតាមច្បាប់អន្តោប្រវេសន៍របស់កម្ពុជា ។ ដោយឡែកអ្នកដែលហួសសុពលភាពទិដ្ឋាការនិងធ្វើការផាកពិន័យ១ថ្ងៃ៥ដុល្លារ ប្រសិនបើរកឃើញគ្មានសៀវភៅចេញដោយក្រសួងការសម្គាល់ថាជាពលករបរទេសទេនោះ ក៍ប្រឈមមុខនិងការ ផាកពិន័យផងដែរចំនួន៥០រៀល ហើយទឹកប្រាក់បានមកពី ការផាកពិន័យគឺបង់ចូលរដ្ឋ ។
លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋាន ស៊ើបអង្កេតនិងអនុវត្តនីតិវិធីបានប្រាប់អ្នកយកពត៍មានថា បន្ទាប់ពីធ្វើការត្រួតពិនិត្យរកឃើញថាមានពលករ បរទេសជាជនជាតិវៀតណាមចំនួន៤៤នាក់ ស្រី៣នាក់ កំពុងធ្វើជាកម្មករនៅក្នុងការដ្ឋានសំណង់ធនាគារវិនិយោគអភិវឌ្ឍន៍កម្ពុជា មានទីតាំង នៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ ហើយជនអន្តោប្រវេសន៍ទាំង៤៤នាក់និងបញ្ជូនទៅកាន់អគ្គនាយកដ្ឋានអន្តោប្រវេសន៍ដើម្បីសាកសួរររកអត្តសញ្ញាណដើម បើត្រួតពិនិត្យឃើញថា គ្មានឯកសារគ្រប់គ្រាន់ស្របតាមច្បាប់អន្តោប្រវេសន៍របស់កម្ពុជាទេនោះនិងស្នើសុំគោលការពីសម្តេចឧបនាយករដ្ឋមន្ត្រី ស ខេង បណ្តេញចេញទៅ ប្រទេសដើមវិញ៕
ដោយ៖ សណ្តោស
