លោកស៊ឹម សាវ៉ាត នាយផ្នែកគ្រឿងញៀនខណ្ឌជ្រោយចង្វារបានឲ្យដឹងទៀតថា ក្រោយពេលដែលកម្លាំងនគរបាលតាមបណ្ដាប៉ុស្ដិ៍បានបន្តយាមល្បាតក្នុងមូលដ្ឋាន ដោយសហការជាមួយកម្លាំងនគរបាលខណ្ឌ ហើយក៏បានប្រទះឃើញសមាសភាព ដែលជិះម៉ូតូគួរឲ្យសង្ស័យ ទើបឈានដល់ការដេញតាមឃាត់ និងឆែកឆេរត្រួតពិនិត្យ ស្រាប់តែរកឃើញក្រាមសថ្លា ជាថ្នាំញៀនចំនួន៣កញ្ចប់ ដែលជនសង្ស័យទាំង៤នាក់ បានរក្សាលាក់ទុកនូវនិងខ្លួន និងទើបតែមកពីទិញ ដើម្បីយកទៅជក់ ក៍ត្រូវសមត្ថកិច្ចបង្ក្រាប ហើយដកហូតទាំងម៉ូតូចំនួន២គ្រឿងផងដែរ ១គ្រឿងប្រភេទហុង ដាCLICK ពណ៌ស ពាក់ស្លាកលេខកណ្ដាល 1J-7415 និង១គ្រឿងទៀតប្រភេទហុងដាសង់ឌ្រីម ពណ៌ខ្មៅ ពាក់ស្លាក លេខ ព្រៃវែង1H-4089 ។

ជនសង្ស័យរួមជាមួយវត្ថុតាង ដែលដកហូតបានត្រូវបញ្ជូនមកសាកសួរនៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តាមតនីតិវិធី ៕ជ្រោយពេជ្រ