ខេត្តកំពង់ឆ្នាំង៖ ជនសង្ស័យម្នាក់ដែលទើបចេញពីពន្ធនាគារ មិនរាងចាលបានមកធ្វើសកម្មភាពជិះម៉ូតូដើរឆក់កាបូបរបស់ប្រជាពលរដ្ឋ ត្រូវបានសមត្ថកិច្ចប្រើរយៈពេលជាង៥ម៉ោងទើបចាប់បាន ។
ជនសង្ស័យនេះ ត្រូវបានសមត្ថកិច្ចចាប់បានកាលពីវេលា១និង៣០នាទី ថ្ងៃទីរសៀល ថ្ងៃទី២ ខែតុលា ឆ្នាំ២០១៥ នៅភូមិស្រែអ៊ុក ឃុំតាំងក្រសាំង ស្រុកទឹកផុស ខេត្តកំពង់ឆ្នាំង ។
សមត្ថកិច្ចនគរបាលស្រុករលាប្អៀរបានអោយដឹថា ជនសង្ស័យចាប់បានមានឈ្មោះខៀវ ប៊ុនថៃ ភេទប្រុស អាយុ២៨ឆ្នាំ មានទីលំនៅឃុំដា ស្រុកកំពង់លែង ខេត្តកំពង់ឆ្នាំង ជនសង្ស័យរូបនេះធ្លាប់ជាប់ពន្ធនាគារ៦ឆ្នាំ ពីបទចាប់រំលោភ និង ប្លន់ ទើបចេញពីពន្ធនាគាបាន១ឆ្នាំប៉ុណ្ណោះ ។
សមត្ថកិច្ចបានអោយដឹងទៀតថា កាលពីវេលាម៉ោងជាង៦ព្រឹកថ្ងៃទី២តុលាជនសង្ស័យឈ្មោះខៀវ ប៊ុនថៃ រួមនិងបក្ខពូករបស់គេម្នាក់ទៀតឈ្មោះ ចាន់ សុទ្ធា ភេទប្រុស អាយុ៣៥ឆ្នាំ រស់នៅភូមិតាពុក ឃុំតាពុក ស្រុកពុកឬស្សី ខេត្តកណ្តាល បានជិះម៉ូតូសេ១២៥ឌុបគ្នា ក្នុងទិសដៅពីជើងទៅត្បូង នៅពេលមកដល់ចំណុចមុខវិទ្យាល័យប៊ុនរ៉ានីហ៊ុនសែនរលាប្អៀរ បានឆក់ការបូបប្រជាពលរដ្ឋ រួចបើកម៉ូតូគេចខ្លួនតែត្រូវប្រជាពលរដ្ឋស្រែកអោយជួយ ហើយសមត្ថកិច្ចដែលនៅក្បែរនោះដេញតាមស្ទាក់រហូតដល់វាលស្រែ ក្នុងភូមិសូភី ឃុំជើងគ្រាវ ស្រុករលាប្អៀរ សមត្ថកិច្ចចាប់បានជនសង្ស័យឈ្មោះចាន់ សុទ្ធា ចំណែកជនសង្ស័យឈ្មោះខៀវ ប៊ុនថៃ បានរត់គេចបន្ត រហូតដល់វេលាម៉ោ១និង៣០នាទីទើបសមត្ថកិច្ចចាប់បានជនសង្ស័យឈ្មោះខៀវប៊ុន ថៃបាននៅភូមិស្រែអ៊ុក ឃុំតាំងក្រសាំង ស្រុកទឹកផុស និងបានបញ្ជូនជនសង្ស័យមកស្នងការដ្ឋាននគរបាលខេត្តកំពង់ឆ្នាំង ។
ក្រោយពីចាប់បានសមត្ថកិច្ចបានរកឃើញនូវវត្ថុតាងមាន ម៉ូតូហុងដាសេ១២៥ ឆ្នាំ២០១៥ មួយគ្រឿង សោរខ្សៀសម្រាប់កាច់កម៉ូតូ១ ដង្កាប់១ និងកាបូបមួយផងដែរ ។ នៅពេលនេះ សមត្ថកិច្ចជំនាញកំពុងសាកសួរយកចម្លើយដើម្បីកសាងសុំណុំរឿងបញ្ជូនទៅតុលាការអនុវត្តតាមនីតិវិធី ៕
ដោយ៖ ចន្ថា
