ខេត្ដព្រះសីហនុ៖ បុរសម្នាក់បានស្លាប់ នៅពេលបញ្ជូនទៅសង្គ្រោះនៅក្នុងមន្ទីរ ពេទ្យខេត្ដព្រះសីហនុបន្ទាប់ពីត្រូវរថយន្ដ បុកខណៈជនរងគ្រោះបណ្ដើរម៉ូតូឡើងពី ឆ្នេរសមុទ្រ ។
ករណីនេះបានកើតឡើងនៅវេលាម៉ោង ៣និង៣៥នាទីថ្ងៃទី២ ខែតុលា ឆ្នាំ២០១ នៅចំណុចព្រែកត្រែង ស្ថិតនៅក្រុម៤ ឃុំអូរតេះ ស្រុកស្ទឹងហាវ ខេត្ដព្រះសីហនុ ។
បើតាមប្រភពព័ត៌មាននៅកន្លែង កើតហេតុបានឱ្យដឹងថា ក្រោយពីកើត ហេតុអ្នកបើករថយន្ដបង្កបានរត់គេចខ្លួន បាត់ហើយបានបន្សល់ទុករថយន្ដមួយ គ្រឿងម៉ាក NISAN ពណ៌ប្រផេះ ពាក់ ស្លាកលេខភ្នំពេញ2AB-5671 ត្រូវបាន សមត្ថកិច្ចនគរបាលចរាចរផ្លូវគោក យកមករក្សាទុកដើម្បីដោះស្រាយតាម ផ្លូវច្បាប់ ។
បើតាមនគរបាលចរាចរណ៍ឱ្យដឹងថា ជនរងគ្រោះដែលត្រូវរថយន្ដបុកស្លាប់ ឈ្មោះ សាយ យឿន ភេទប្រុស អាយុ៣២ ឆ្នាំ ជាកម្មករមានទីលំនៅភូមិ៣ សង្កាត់ លេខ៣ ក្រុង-ខេត្ដព្រះសីហនុ ។
តាមសាក្សីឃើញហេតុការបាននិយាយ ថា មុនពេលកើតហេតុគេបានឃើញជន រងគ្រោះបណ្ដើរម៉ូតូកាត់ខ្សាច់ចេញពី ឆ្នេរសមុទ្រឡើងមកថ្នល់ជាតិ ។ ពេល នោះស្រាប់តែរថយន្ដបង្កក្នុងទិសដៅពី ខេត្ដព្រះសីហនុឆ្ពោះទៅស្រុកស្ទឹងហាវក៏រេចង្កូតទៅបុកជនរងគ្រោះឱ្យរបួសធ្ងន់ តែម្ដង ។ ភ្លាមៗនោះគេបានដឹកបញ្ជូន ជនរងគ្រោះមកកាន់មន្ទីរពេទ្យបង្អែក ខេត្ដព្រះសីហនុមិនបានប៉ុន្មានផងជនរង គ្រោះក៏ដាច់ខ្យល់ស្លាប់ ។
នៅក្រោយពេល កើតហេតុអ្នកបើករថយន្ដបង្កដែលគេ សង្ស័យផឹកស្រាផងនោះបានបើកទា្វរ រថយន្ដរត់គេចខ្ល្លួនដោយបន្សល់ទុករថយន្ដ នៅកន្លែងកើតហេតុហើយត្រូវបាននគរបាលយកមករក្សាទុកបន្ទាប់ពីវែសវែង ៕
ដោយ៖ ឆ្លាម សមុទ្រ
