ខេត្ដព្រះសីហនុ៖ នគរបាលនៃស្នង ការដ្ឋាននគរបាលខេត្ដព្រះសីហនុបាន ចាប់ខ្លួនបុរសជនជាតិកូរ៉េម្នាក់ពាក់ព័ន្ធករណីជម្រិតទារប្រាក់នៅក្នុងប្រទេសកូរ៉េ ហើយមកសម្ងំលាក់ខ្លួននៅក្នុងខេត្ដព្រះ សីហនុដែលជាខេត្ដពោរពេញទៅដោយ អំពើប្លន់និងបាញ់គ្នាពីសំណាក់ជនបរ ទេសមួយចំនួននាពេលកន្លងទៅ ។
ការចាប់ខ្លួនបុរសជនជាតិកូរ៉េខាង លើនេះសមត្ថកិច្ចនគរបាលនៃស្នងការ ខេត្ដព្រះសីហនុបានធ្វើឡើងនៅថ្ងៃទី២ ខែតុលា ឆ្នាំ២០១៥ រួចបញ្ជូនទៅនាយក ដ្ឋានប្រឆាំងភេរវកម្មនៃក្រសួងមហាផ្ទៃ ដើម្បីចាត់ការបន្ដ ។
ទាក់ទិនការចាប់ខ្លួនបុរសជនជាតិ កូរ៉េខាងលើនេះអ្នកយកព័ត៌មាននគរវត្ដ មិនអាចទាក់ទងលោកឧត្ដមសេនីយ៍ ជួន ណារិន ស្នងការនគរបាលខេត្ដព្រះសីហនុ បានទេនៅព្រឹកថ្ងៃទី៣ ខែតុលា ឆ្នាំ ២០១៥ ដោយប្រព័ន្ធទូរស័ព្ទរបស់លោក បានប្រាប់ថា“ជាប់រវល់” ។
បើទោះបីបែបនេះក៏ដោយផ្អែកតាម លិខិតឆ្លងដែនបុរសជនជាតិកូរ៉េរូបនេះ ឈ្មោះ JUNG EUI YONG ភេទប្រុស អាយុ៥៣ឆ្នាំ ជាជនជាតិកូរ៉េ។ គេពុំដឹងថា ជនជាតិកូរ៉េដែលពាក់ ព័ន្ធជម្រិតទារប្រាក់ពីជនរងគ្រោះនៅក្នុង ប្រទេសកូរ៉េចូលមកប្រទេសកម្ពុជាតាម ច្រកណា ហើយចូលទៅសម្ងំស្នាក់នៅ ក្នុងខេត្ដព្រះសីហនុពេលណាដែរ ។
គួររំលឹកថា នៅខេត្ដព្រះសីហនុកន្លង ទៅកើតមានករណីប្លន់ បាញ់គ្នារវាងជន បរទេសនិងជនបរទេសជាជនជាតិរុស្ស៊ី មួយចំនួនបង្កការភ័យខ្លាចដល់ប្រជា ពលរដ្ឋពិសេសនៅពេលយប់។ ដោយ សារតែនៅខេត្ដព្រះសីហនុមានករណី នេះកើតឡើងជាបន្ដបន្ទាប់ទើបឈាន ដល់មានការប្រមានពីថ្នាក់លើហើយ ត្រូវបានដកតំណែងស្នងការនិងដូរចៅហ្វាយខេត្ដថែមទៀតផង។
នៅក្នុងរជ្ជកាលលោក ជួន ណារិន មកកាន់តំណែងជាស្នងការថ្មីគេក៏នៅ សង្កេតឃើញមិនទាន់មានភាពប្រសើរ ផ្នែកសន្ដិសុខនៅឡើយ។ ជាក់ស្ដែងកាល ពីពេលថ្មីៗកន្លងទៅនេះក្រុមចោរប្លន់ មួយរថយន្ដបានចូលប្លន់ផ្ទះអាជីវករទិញ លក់ផលនេសាទយកលុយជាច្រើនរួច គេចខ្លួនដោយសុវត្ថិភាព ហើយសមត្ថ កិច្ចបានត្រឹមតាមចាប់ខ្យល់ ។
ជុំវិញករណីប្លន់នេះដែរនៅថ្ងៃទី២ ខែ តុលា អ្នកយកព័ត៌មាននគរវត្ដបានរក ការពន្យល់ពីលោកស្នងការថា តើករណី នេះបានបញ្ចប់សំណុំរឿងហើយឬនៅ តែ ទូរស័ព្ទរបស់លោកជាប់រវល់រហូត ៕
ដោយ៖ ឆ្លាមសមុទ្រ
