ភ្នំពេញ៖ បុរសពិការជើងម្នាក់ និងជាអ្នកសុំទានម្នាក់ស្រវឹងស្រាតូចចិត្តក្នុងជីវិតដើរទៅដេកនៅកណ្តាលថ្នល់ឲ្យរថយន្តកិនស្លាប់ បង្កអោយមានការភ្ញាក់ផ្អើលដល់ប្រជាពលរដ្ឋនិងប្រជាការពាភូមិនាំគ្នាគ្រៀមកដាក់ចញ្ចើមផ្លូវវិញ កាលពីវេលាម៉ោង៧យប់ថ្ងៃទី០៥ ខែតុលា ស្ថិតនៅកំណាត់លើផ្លូវវេងស្រេងក្នុង ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ ។
បុរសពិការបានប្រាប់ថាគាត់មានឈ្មោះ ស៊ីថា ករុណា អាយុ៤៩ឆ្នាំ មុខរបរដើរសុំទាន មានស្រុកកំណើតនៅស្រុកសូទ្រនិគម ខេត្តសៀម រាប ។
គាត់បានរៀបរាប់ថា នៅឆ្នាំ១៩៨២ រួបគាត់បានចូលសមរភូមិដើម្បីការពារជាតិហើយបានជាន់មីនទើប ធ្វើអោយគាត់ដាច់ជើងខាងឆ្វេង និងពុំមានប្រពន្ធកូនទើបធ្លាក់ខ្លួនដើរសុំទានជារៀងរាល់ថ្ងៃ ។ នេះហើយជាហេតុធ្វើឲ្យគាត់តូចចិត្តក្នុងជីវិត ពេលផឹកស្រាស្រវឹងក៏ដើរទៅដេកកណ្តាលថ្នល់ឲ្យរថយន្តកិនតែម្តង តែសំណាងប្រជាពលរដ្ឋនិងប្រជាការពាភូមិជួយសង្គ្រោះទាន់ ៕
...
ដោយ៖ សុខា សែនជ័យ
