ភ្នំពេញ៖ ពិតជាមានការភ្ញាក់ផ្អើលខ្លាំងក្រោយពីគេទទួលដំណឹងថាតារាសម្តែងប្រុស យូ ឌីស្កូ បានធ្លាក់ខ្លួនឈឺធ្ងន់ត្រូវក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យ។ សង្គ្រោះបន្ទាន់ព្រោះតែតារាសម្តែងរូបនេះមានជំងឺទឹកនោមប្រៃ។
នៅមុននេះ អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ បានធ្វើការអំពាវនៅក្នុងបណ្តាញសង្គម សុំឲ្យសិល្បករសិល្បការិនីខ្មែរ ជួយទៅបរិច្ចាគឈាម ដើម្បីជួយសង្គ្រោះតារាសម្តែង លោក យូ ឌីស្កូ ដែលកំពុងមានជំងឺធ្ងន់ធ្ងរ សម្រាកនៅឯមន្ទីពេទ្យព្រះកេតុមាលា និងត្រូវការឈាមជាចាំបាច់។ តារាសម្តែងរូបនេះត្រូវការឈាមព្រោះតែវេជ្ជបណ្ឌិតត្រូវលាងឈាមឈាមជាចាំបាច់ជៀសវាងបញ្ហាសុខភាពកាន់តែធ្ងន់ធ្ងរ។ អ្នកនាងចន ច័ន្ទលក្ខិណាបញ្ជាក់ថា លោក យូ ឌីស្កូត្រូវក្រុមគ្រួសារបញ្ជូនទៅសង្គ្រោះបន្ទាន់ក្រោយស្ថានភាពសុខភាពកាន់តែចុះខ្សោយ ហើយពេលនេះក្រុមវេជ្ជបណ្ឌិត្រូវការឈាមយ៉ាងតិចពី៤ទៅ៥ផ្លោកក្នុងមួយថ្ងៃ៕
ដោយ៖ វឌ្ឍនា
