ភ្នំពេញ៖ សិស្សប្រុសម្នាក់ជួប គ្រោះថ្នាក់ចរាចរណ៍ ខណៈពេលជីះម៉ូតូ ឆ្លងថ្នល់ជ្រុលទៅបុកជាមួយរថយន្ដដែលកំពុងធ្វើដំណើរបណ្ដាលឱ្យដួលបោកក្បាល់ សន្លប់ស្ដូកស្ដឹងបង្កឱ្យមានការភ្ញាក់ផ្អើលដល់សមត្ថកិច្ចចុះមកអន្ដរាគមន៍ ដឹក បញ្ជូនទៅសង្គ្រោះបន្ទាន់ ។
ហេតុការណ៍ នេះបានកើតឡើងកាលពីវេលាម៉ោង១០និង៥០នាទីព្រឹកថ្ងៃទី១៧ ខែតុលា ឆ្នាំ ២០១៥ នៅលើមហាវិថីព្រះនរោត្ដម ជិតវិមានឯករាជ្យ ស្ថិតនៅក្នុងសង្កាត់ ចតុមុខ ខណ្ឌដូនពេញ រាជធានីភ្នំពេញ ។
យោងតាមសំដីសមត្ថកិច្ចបានប្រាប់ឱ្យដឹងថា នៅមុនពេលកើតហេតុក្មេង ប្រុសរងគ្រោះខាងលើបានជិះម៉ូតូតែម្នាក់ ឯង ម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1X-7031 ឆ្លងមហាវិថីព្រះ នរោត្ដមក្នុងល្បឿនយ៉ាងលឿនឆ្លងផ្លូវ ទំនងជាក្មេងប្រុសខាងលើមិនអាចគ្រប់ គ្រងស្ថានភាពនៃការបើកបរម៉ូតូក្នុង ល្បឿនលឿននេះមិនបាន ទើបធ្វើឱ្យជ្រុល ចង្កូតទៅបុករថយន្ដដែលកំពុងធ្វើដំណើរពីជើងទៅត្បូង ក៏បុកចំពីចំហៀងខាង ឆ្វេងនៃកាងមុខរថយន្ដម៉ាកDewooកូរ៉េ ពណ៏ខ្មៅ ពាក់ស្លាកលេខ ខេមរភូមិន្ទ ០១២. ២៧៨៩ បើកបរដោយស្ដ្រីម្នាក់ និងអ្នករួមដំណើរ២នាក់ ប្រុសម្នាក់ ស្រី ម្នាក់ផ្សេងទៀតដួលបោកក្បាលសន្លប់បាត់ ស្មារតី ក៏មានសមត្ថកិច្ចហៅរថយន្ដ សាមុយយកទៅសង្គ្រោះបន្ទាន់នៅមន្ទី ពេទ្យកាល់ម៉ែត្រ ។
សមត្ថកិច្ចបានបន្ដថា ក្មេងប្រុសនោះត្រូវបានស្លាប់បាត់បង់ជីវិត ហើយក្រោយដឹកយកទៅមន្ទីរពេទ្យ ហើយ មានឈ្មោះ ង៉ោ រិទ្ធី ភេទប្រុស អាយុ១៥ ឆ្នាំ មុខរបរសិស្សសាលាព្រះស៊ីសុវត្ថិ ស្នាក់នៅ27Eoz ផ្លូវលេខ២០៨ សង្កាត់បឹង រាំង ខណ្ឌដូនពេញ ។ ចំណែកឯអ្នកបើក រថយន្ដពាក់ស្លាកលេខ ខ.ម ២-២៧៨៩ បើកបរដោយស្ដ្រីឈ្មោះ សុខ ម៉ារ៉ូលីន អាយុ២៤ឆ្នាំ ស្នាក់នៅផ្ទះលេខ105A2 ផ្លូវលេខ៦៣ សង្កាត់បឹងរាំង ខណ្ឌដូន ពេញ ។
បច្ចុប្បន្នសាកសពសមត្ថកិច្ចកំពុង ស្រាវជ្រាវរកក្រុមគ្រួសារដើម្បីមកទទួល យកទៅធ្វើបុណ្យតាមប្រពៃណី រីឯម៉ូតូ និងរថយន្ដគ្រោះថ្នាក់ខាងលើត្រូវបានយក ទៅរក្សារទុកនៅការិយាល័យចរាចរណ៍ ជើងគោកនៃស្នងការរាជធានីភ្នំពេញ រងចាំការដោះស្រាយនៅពេលក្រោយ ។
ចំពោះស្ដ្រីជាអ្នកបើកបររថយន្ដ ដែលបណ្ដាលឱ្យមានករណីបង្កគ្រោះថ្នាក់ចរាចរណ៍បណ្ដាលឱ្យជនរងគ្រោះស្លាប់ ក៏ត្រូវបានសមតកិច្ចនគរបាលចរាចរណ៍ នាំខ្លួនទៅកាន់ការិយាល័យចរាចរណ៍ផ្លូវ គោកនៃស្នងការដ្ឋាននគរបាលរាជធានី ដើម្បីសាកសួរនិងកសាងសំណុំរឿងតាមនិតិវិធី បញ្ជួនទៅកាន់សាលាដំបូងរាជ ធានីភ្នំពោញក្នុងបទបើកបរបង្ករគ្រោះ ថ្នាក់ចរាចរណ៍បណ្ដាលឱ្យអ្នកដទៃស្លាប់ ដោយអចេតនា ៕
ដោយ៖ ស ដារ៉ា
