ភ្នំពេញ៖ លោកខៀវ កាញារីទ្ធ រដ្ឋ មន្ដ្រីក្រសួងព័ត៌មានជាមួយសមាជិក ក្រុមប្រឹក្សាភិបាលសមាគមសិល្បករខ្មែរបានធ្វើដំណើរជាថ្មីទៅផ្ទះជួលអ្នកចម្រៀងអាយ៉ៃល្បីឈ្មោះលោកតា ផ្លុង មឿក ដើម្បីសាកសួរសុខទុក្ខលោកតាដែល ធ្លាក់ខ្លួនឈឺជំងឺវង្វេងវង្វាន់ជិត៣ឆ្នាំមក ហើយ ។ ការចុះសាកសួរសុខទុក្ខនេះ ត្រូវបានធ្វើឡើងកាលពីព្រឹកថ្ងៃទី២៣ ខែ តុលា ឆ្នាំ២០១៥ នៅគេហដ្ឋានលោក តានាតំបន់ប៊ូលឌិញ ក្នុងសង្កាត់ទន្លេបា សាក់ ខណ្ឌចំការមន ។
ក្នុងជំនួបសួរសុខទុក្ខនេះលោកខៀវ កញារីទ្ធបានធ្វើការផ្ដាំផ្ញើឱ្យលោកតាផ្លុងមឿកខិតខំថែរក្សាសុខភាពពិសាថ្នាំនិងសម្រាកឱ្យបានគ្រប់គ្រាន់ហើយទទួល ទានអាហារដែលមានជីវជាតិ។
លោករដ្ឋមន្ដ្រីបញ្ជាក់ដែរថា ទោះបី ជាមមាញឹកនឹងការងារក្រសួងជាច្រើនក្ដីក៏លោកនៅតែឆ្លៀតពេលវេលាដើម្បីមកសាកសួរសុខទុក្ខហើយលោកក៏មានគម្រោងរៀបចំពិធីជួបជុំសិល្បករជើង ចាស់នៅថ្ងៃខាងមុខផងដែរ។
លោករដ្ឋមន្ដ្រីរំពឹងថា ស្ថានភាពជំងឺ របស់លោកតាផ្លុង មឿក នឹងមានភាព កាន់តែល្អប្រសើរជាងមុន ។ ជាមួយគ្នា នេះលោករដ្ឋមន្ដ្រីនិងលោកស្រីក៏បាន ប្រគល់នូវថវិកា គ្រឿងឧបភោគបរិ ភោគ និងថ្នាំពេទ្យសម្រាប់ព្យាបាលជំងឺ បន្ដជូនដល់លោកតាផ្លុង មឿកផងដែរ ។
គួរបញ្ជាក់ដែរថា លោកតាផ្លុង មឿក ឆ្នាំនេះមានអាយុ៨៣ឆ្នាំហើយគាត់បានធ្លាក់ខ្លួនឈឺជំងឺវង្វេងស្មារតីអស់រយៈ ពេល៣ឆ្នាំកន្លងមកហើយដែរ ដោយ ភរិយានិងកូនៗបានបញ្ជូនលោកតាទៅ ព្យាបាលនៅមន្ទីរពេទ្យបន្ដពីមួយទៅ មួយរហូតយកទៅព្យាបាលជាមួយគ្រូខ្មែរនិងជាមួយព្រះសង្ឃតាមវត្ដផងដែរ។
តាមភរិយាលោកតាផ្លុង មឿក បាន បញ្ជាក់ថា មកទល់ពេលនេះការព្យា បាលនៅតែបន្ដមានទាំងខ្សោះទ្រព្យធន ព្រោះតែផ្ទះក្នុងតំបន់ប៊ូលឌីញរស់នៅ រាល់ថ្ងៃនេះជាផ្ទះជួលគេប៉ុណ្ណោះ ដោយ ក្នុងនោះមួយខែ៧០ដុល្លារនៅជុំកូនចៅ ជិត១០នាក់ ។ ទោះបីជាយ៉ាងណាអ្នក ស្រីពិរ៉ានៅតែមិនភ្លេចគុណដល់សម្ដេចគតិព្រឹទ្ធបណ្ឌិត ប៊ុន រានី និងសម្ដេច តេជោ ហ៊ុន សែន ដែលកន្លងមកធ្លាប់ ផ្ដល់ជូននូវអំណោយដ៏ថ្លៃថ្លាជាថវិកាចំនួន ៥ពាន់ដុល្លារសម្រាប់យកមកប្រើប្រាស់ព្យាបាលជំងឺរហូតបានធូរស្បើយបន្ដិច នេះ។
អមដំណើរក្នុងកម្មវិធីចុះសាកសួរសុខ ទុក្ខនេះដែរក៏មានវត្ដមានសិល្បករនិងសមាជិកក្រុមប្រឹក្សាភិបាលសមាគមសិល្បករខ្មែរក្នុងនោះមានអតីតតារា កំប្លែងនាយឃ្លោក ប្រធានក្លិបសិល្បៈ ឌីភីលោកកុយ ស៊ីឌឿន អគ្គនាយិកាផលិត កម្មចក្រវាឡពេជ្រភាពយន្ដ ពិធីករលោក អ៊ឹម ជីវ៉ា និងលោកប៊ី លីហួរ ក៏បានរួមគ្នា ផ្ដល់អំណោយជាថវិកាបន្ថែមដល់លោកតា ផ្លុង មឿក ផងដែរ។
អតីតតារាកំប្លែងនាយឃ្លោកនិងជា ប្រធានកិត្ដិយសសមាគមសិល្បករខ្មែរ បានបញ្ជាក់ក្នុងឱកាសនោះថា កន្លង មកសមាគមសិល្បករខ្មែរធ្លាប់បានទៅ សាកសួរសុខទុក្ខនិងយកអំណោយជាបន្ដបន្ទាប់ជូនដល់អតីតអ្នកចម្រៀងអាយ៉ៃ លោកតាផ្លុង មឿក ជាបន្ដបន្ទាប់។
លោកថា ការសាកសួរសុខទុក្ខគឺ ជាកម្លាំងចិត្ដជាការលើកទឹកចិត្ដនិងមិន បោះបង់ចោលគ្នានៅគ្រាលំបាកបើទោះបីជាការជួយនេះមានច្រើនឬតិចក្ដី ។
លោកកុយ ស៊ីឌឿន បានបញ្ជាក់ថា លោកតាផ្លុង មឿក គឺជាអ្នកចម្រៀង អាយ៉ៃល្បីល្បាញនិងទទួលបានការគាំទ្រ ច្រើនពីប្រជាជនកម្ពុជា។
លោកថា ការមកចូលរួមសាកសួរសុខ ទុក្ខពីសំណាក់ថ្នាក់ដឹកនាំក្រសួងគឺបានបង្ហាញពីការយកចិត្ដទុក្ខដាក់ចំពោះសុខ ទុក្ខសិល្បករក៏ដូចជាការតបស្នងសង គុណនិងផ្ដល់នូវកម្លាំងចិត្ដដល់សិល្បករ ដែលធ្លាប់មានស្នាដៃក្នុងសង្គមសិល្បៈ ។
លោកស្រីថុង ស៊ីវទៀង អគ្គនាយិកា ផលិតកម្មចក្រវាឡពេជ្របញ្ជាក់ក្នុង ឱកាសនោះដែរថា ទោះបីជាលោក តាផ្លុង មឿក មានជំងឺនិងចាស់ជរា បន្ដិចក្ដីក៏លោកនៅតែអាចជាទីប្រឹក្សាសម្រាប់សិល្បករជំនាន់ក្រោយ។
អ្នកស្រីបញ្ជាក់ថា ទាំងសិល្បករជើង ចាស់និងសិល្បករជំនាន់ក្រោយនៅតែ មិនអាចកាត់ផ្ដាច់ពីគ្នាបានទេ។ លោក ស្រីក៏អំពាវនាវឱ្យសិល្បករចាស់ក្មេង ប្រុសស្រីរួបរួមសាមគ្គីគ្នាដើម្បីជួយ ជ្រោមជ្រែងវិស័យសិល្បៈឱ្យកាន់តែរីក ចម្រើននិងទទួលបានការគាំទ្រកាន់តែ ច្រើនពីទស្សនិកជន ៕
ដោយ៖ វឌ្ឍនា
