ខេត្តសៀមរាប៖ សង្ស័យប្រុសស្រីចំនួន៧នាក់នៅ២សង្កាត់ផ្សេងគ្នាក្នុងក្រុងសៀមរាប ត្រូវបាបនគរបាលប្រឆាំងគ្រឿងញៀខេត្តបានសហការជាមួយកម្លាំងអធិការនគរបាលក្រុងនិងប៉ុស្តិសង្កាត់ចាប់ឃាត់ខ្លួន បញ្ជូនទៅទៅតុលាការ ករណីជួញដូរនិងប្រើប្រាស់គ្រឿងញៀន ។
ហេតុការណ៍ចុះបង្ក្រាប នេះធ្វើឡើងនៅថ្ងៃទី២២ខែតុលាឆ្នាំ២០១៥ស្ថិតនៅចំនុច២សង្កាត់ផ្សេងគ្នាក្នុងក្រុងសៀមរាប គឺក្នុងសង្កាត់ស្លក្រាមនិងសង្កាត់គោកចក ក្រុងសៀមរាប។
តាមប្រភពពីនគរបាលប្រឆាំងគ្រឿងញៀន នៃស្នងការនគរបាលខេត្តបានប្រាប់ឲ្យដឹងថា ក្នុងការចុះបង្ក្រាបករណីខាងលើនេះបានឃាត់ខ្លួនជនសង្ស័យ ចំនួន៧នាក់ក្នុងនោះមានទី១-ឈ្មោ/ ធី សុភាព ភេទប្រុស អាយុ២៧ឆ្នាំរស់នៅភូមិទក្សិណខាងត្បូងសង្កាត់គោកចក ក្រុងសៀមរាប(ជួញដូរ)២/ឈ្មោះ មឿន ស្រីមុំ ភេទស្រីអាយុ១៩ឆ្នាំរស់នៅភូមិមណ្ឌល៣សង្កាត់ស្លក្រាម ក្រុងសសៀមរាប(ចាត់ចែងឱ្យប្រើប្រាស់)ទី៣/ឈ្មោះ អ៊ុក សុផារ៉ា ភេទប្រុសអាយុ២១ឆ្នាំស្នាក់នៅភូមិចុងកៅស៊ូ សង្កាត់ស្លក្រាមក្រុងសៀមរាប(ចាត់ចែងឱ្យប្រើប្រាស់)ទី៤/ឈ្មោះ សាយ សុន ភេទប្រុសអាយុ២២ឆ្នាំមុខរបរមិនពិត(សម្រួលឱ្យប្រើប្រាស់)រស់នៅភូមិឃុនមោគឃុំកណ្តែកស្រុកប្រាសាទបាគង ខេត្តសៀមរាបទី៥/ឈ្មោះចេង នីតា ភេទស្រីអាយុ១៩ឆ្នាំស្នាក់នៅភូមិចុងកៅស៊ូ សង្កាត់ស្លក្រាម ក្រុងសៀមរាប(ចាត់ចែងឱ្យប្រើប្រាស់)និងទី៦/ឈ្មោះ កៅ សុហេង ភេទប្រុស អាយុ២៥ឆ្នាំស្នាក់នៅភូមិដកពោធិ៍ សង្កាត់ស្លក្រាម ក្រុងសៀមរាប (ចាត់ចែងឱ្យប្រើប្រាស់)និងទី៧/ឈ្មោះ អ៊ុក សុខលីសាលា ភេទស្រីអាយុ២៥ឆ្នាំរស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប(ចាត់ចែងឱ្យប្រើប្រាស់)និងទី៨/ឈ្មោះ ហៀម ដារ៉ា ភេទប្រុសអាយុ២២ឆ្នាំមានទីលំនៅភូមិក្រសាំង សង្កាត់ជ្រាវ ក្រុងសៀមរាប (ជួញដូរ)។
លោកបន្តថា ក្រោយពីឃាត់ខ្លួនបានជនសង្ស័យខាងលើ កម្លាំងជំនាញបានដកហូតបានវត្ថុតាងរួមមានៈទូរស័ព្ទដៃ១គ្រឿង,ម្សៅមេតំហ្វេតាមីន ចំនួន១កញ្ចប់ស្មើនឹងទម្ងន់១,៣ក្រាម, ម៉ូតូម៉ាកហុងដាពណ៌ខ្មៅស៊េរីឆ្នាំ២០០៧ឡើងតែមឆ្នាំ២០១២ ពាក់ស្លាកលេខ១D.៨៤៧២ចំនួន១គ្រឿង, ចានថ្ម០១, ចង្ក្រានហ្គាស១សម្រាប់ចំរាញ់គ្រឿងញៀនដែលប្រើរួច និងឧបករណ៏ច្នៃជក់មួយចំនួនផងដែរ។
បច្ចុប្បន្នជនសង្ស័យប្រុសស្រីទាំង៧នាក់និងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅតុលាការនៅថ្ងៃទី២៣ ខែតុលា ឆ្នាំ២០១៥ ដើម្បីចាត់ការតាមនីតិវិធីច្បាប់៕
ដោយ៖ ជានិរន្ដរ៍
