ភ្នំពេញ៖ យ៉ាងហោចណាស់ ក៏មានបុរសម្នាក់បានស្លាប់ភ្លាមៗនៅកន្លែងកើតហេតុ និង២នាក់ទៀតរងរបួសធ្ងន់ ដោយសារតែពួកគេជិះម៉ូតូសេ១២៥២គ្រឿងបុកគ្នាពេញទំហឹងកាលពីវលាម៉ោង៩និង៤០នាទីយប់ថ្ងៃទី ខែ២៣ ខែតុលា ឆ្នាំ២០១៥ តាមបណ្តោយផ្លូវជាតិលេខ៤ នៅចំណុចមុខវត្តកំបូល ភូមិព្រៃបឹង សង្កាត់កំបូល ខណ្ឌពោធិ៍សែនជ័យ ។
ជនរងគ្រោះដែលរងរបួសឈ្មោះផេង ភេទប្រុស អាយុ១៩ឆ្នាំ មានស្រុកកំណើតស្រុកព្រះស្តេច ខេត្តព្រៃវែង។ ចំណែកអ្នកដែលបានស្លាប់ឈ្មោះ ស៊ុន សំ អាយុ ២៦ ឆ្នាំមុខរបរធ្វើការរោងចក្ររោងចក្រ ស្នាក់នៅភូមិកំរៀង សង្កាត់កន្ទោក ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានអោយដឹងថា មុនពេលកើតហេតុគេបានឃើញជនរងគ្រោះ(ស្លាប់)បានជិះម៉ូតូមួយគ្រឿងមាកសេ១២៥សេរី ឆ្នាំ២០១៥ ពណ៍ខ្មៅ ពាក់ស្លាកលេខ កណ្តាល 1C 2579 បានធ្វើដំណើតាមបណ្តោយផ្លូវជាតិលេខ៤ ក្នុងទិសដៅពីកើតទៅលិចដោយបញ្ច្រាស់ផ្លូវហើយបានឆ្លងទៅខាងស្តាំវិញខណះមកដល់ចំណុចពាក់កណ្តាលផ្លូវ ស្រាប់តែមានយុវជន២នាក់ជិះម៉ូតូសេ១២៥ មួយគ្រឿងពណ៍ខ្មៅ ពាក់ស្លាកលេខ ភ្នំពេញ 1AW 4957 ធ្វើដំណើរក្នុងទិសដៅពីលិចទៅកើតក្នុងល្បឿនលឿន ក៏ជ្រុលបុកចំពីមុខពេញទំហឹង បណ្តាលអោយម្ចាស់ម៉ូតូសង់០១៥ ស្លាប់ភ្លាមនៅកន្លែងកើតហេតុភាគីម្ខាងទៀតរបួសធ្ងន់ ។
ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុ និងទាក់ទងជុំនាញវាស់វែងយកម៉ូតូទាំង២គ្រឿងទៅរក្សាទុកនៅការិយាល័យចរាចរណ៍ជើងគោកដើម្បីរងចាំដោះស្រាយនៅពេលក្រោយ ចំណែកសពសមត្តកិច្ចបានប្រគល់អោយក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត ៕
ដោយ៖ សុខា សែនជ័យ
