ចំនួនពលរដ្ឋរុស្ស៊ីគាំទ្រប្រធានាធិបតីពូទីនកើនឡើងខ្ពស់បំផុតមិនធ្លាប់មាន ចាប់តាំងពីលោកបានចេញបញ្ជាឱ្យវាយប្រហរក្រុមអ៊ិនស្លាមបង្កើតរដ្ឋនៅក្នុង ប្រទេសស៊ីរី ។ ពលរដ្ឋរុស្ស៊ីស្រឡាញ់ ពេញចិត្ដលោកពូទីនកើឡើងរហូតដល់ ជិត៩០ភាគរយ។
តាមលទ្ធផលស្ទង់មតិរបស់មជ្ឈ មណ្ឌលស្ទង់មតិរុស្ស៊ី VTsIOM បង្ហាញ ឱ្យឃើញថាចំនួនពលរដ្ឋរុស្ស៊ីគាំទ្រការ ដឹកនាំរបស់លោកពូទីនកើឡើងរហូត ដល់ទៅ៨៩,៩ភាគរយជាចំនួនខ្ពស់បំផុត មិនធ្លាប់មានពីមុនមក។
បើប្រៀបធៀបនឹងការស្ទង់មតិការ គាំទ្រមានចំនួនតិចជាងនេះប៉ុន្ដែក្រោយការបញ្ចេញកម្លាំងទាហានទៅវាយប្រហារ ក្រុមភេរវកម្មអ៊ិចស្លាមបង្កើតរដ្ឋលោក ពូទីនទទួលបានការគាំទ្រយ៉ាងខ្លាំងពីប្រជាពលរដ្ឋរុស្ស៊ី ។
ទីក្រុងមូស្គូបានប្រកាសថា យុទ្ធនាការ វាយប្រហារខាងលើគឺសំដៅទៅលើក្រុមអ៊ិកស្លាមបង្កើតរដ្ឋតែប៉ុណ្ណោះ ។ ប៉ុន្ដែ លោកខាងលិចបាននិយាយថាគោលដៅវាយប្រហារខាងលើគឺសំដៅទៅលើក្រុមប្រឆាំងនៅក្នុងប្រទេសស៊ីរីនិងពង្រឹង អំណាចរបស់ប្រធានាធិបតីស៊ីរីលោក អាល់ អាសាដ ដែលជាសម្ពន្ធមិត្ដរបស់ រុស្ស៊ីជាច្រើនជំនាន់មកហើយ ។
តាមការប្រកាសរបស់ VTsIOM បានឱ្យដឹងថា ក្រោយពេលដែលយុទ្ធនា ការវាយប្រហារទទួលបានជោគជ័យនោះចំនួនពលរដ្ឋរុស្ស៊ីគាំទ្រលោកពូទីនកើន ឡើងខ្ពស់មិនធ្លាប់មានពីមុនមក។
នៅថ្ងៃទី២២ ខែតុលា លោកពូទីន បានថ្លែងសុន្ទរកថាមានឈ្មោះថា “សង្គ្រាម និងសន្ដិភាពឱនៅក្នុងវេទិការមួយនាទី ក្រុង sochi ប្រទេសរុស្ស៊ី។ កាលពីថ្ងៃ ទី២០ខែតុលាកន្លងមកលោកពូទីនបាន ទទួលស្វាគមន៍ប្រធានាធិបតី អាល់ អាសាដ ដែលបានបំពេញទស្សនកិច្ច ទៅកាន់រុស្ស៊ីដោយគ្មានការព្រាងទុក ជាមុនធ្វើឱ្យក្រុមចារកម្មលោកខាងលិចមិនបានដឹងពីដំណើរទស្សនកិច្ចនោះ ឡើយ។
អ្វីដែលលោកពូទីន ព្រួយបារម្ភនា ពេលនេះគឺពលរដ្ឋរុស្ស៊ីបានទៅកាន់ អាមេរិក អឺរ៉ុបកើនឡើងខ្ពស់ ។ ពេលថ្មីៗ នេះលោកពូទីនបានចាត់ទុកអង្គការបរ ទេសកំពុងតែធ្វើសកម្មភាពដូចជាម៉ាស៊ីន បូមធូលីបូមអ្នកមានប្រាក់រុស្ស៊ីទៅក្រៅ ប្រទេសឱ្យអស់។ តាមតួលេខរបស់រដ្ឋា ភិបាលរុសស្សីបានឱ្យដឹងថាពលរដ្ឋរុស្ស៊ី ទៅក្រៅប្រទេសកើនឡើងខ្ពស់បំផុតក្នុង រយៈពេល២ឆ្នាំចុងក្រោយនេះ ។ ក្រៅ ពីពលរដ្ឋរុស្ស៊ី១ភាគ៤លាននាក់ផ្ដល់ទិដ្ឋា ការទៅកាន់អាមេរិកកាលពីឆ្នាំកន្លងមកនៅមានពលរដ្ឋ៧៥។៣០០នាក់ទៀតបានទៅរស់នៅក្នុងតំបន់អឺរ៉ុបគឺកើនឡើង ២៥ភាគរយប្រៀបធៀបនឹងឆ្នាំ២០១០។
ក្រសួងការបរទេសអាមេរិកក៏បានឱ្យដឹងផងដែរថា ពលរដ្ឋរុស្ស៊ីដាក់លិខិត សុំរស់នៅអាមេរិកកើតឡើងខ្ពស់គឺមានចំនួនដល់ទៅ២៦៥.០៨៦នាក់នៅក្នុងឆ្នាំ នេះ ៕
ដោយ៖ ម៉ែវ សាធី
