ភ្នំពេញ៖ នៅល្ងាចថ្ងៃអាទិត្យ ទី២៥ ខែតុលា ឆ្នាំ២០១៥ កីឡាករ ផល សោ ភ័ណ្ឌ មកពីក្លិបតាឡីដំរីមានឫទ្ធិត្រូវប៉ះ ជាមួយកីឡាករ Yorth Sek ខណៈដែល កីឡាករ សេក គឹមផៃ មកពីក្លិបអង្គរ មានជ័យខេត្ដសៀមរាបត្រូវប្រកួតជា មួយកីឡាករ Yorth Sing នៅសង្វៀន ទូរទស្សន៍អាស៊ីអាគ្នេយ៍ ។
ជំនួបប្រកួតរវាងកីឡាករ ផល សោ ភ័ណ្ឌ នឹង Yorth Sek អាចនិយាយបាន ថា ជាគូប្រកួតដ៏ជក់ចិត្ដមួយសម្រាប់ អ្នកនិយមទស្សនាកីឡាប្រដាល់ក្បាច់គុនបុរាណខ្មែរ ។ ទាំងនេះដោយសារតែអ្នក ផ្គូផ្គងបានចាត់ទុកថា កីឡាករថៃ Yorth Sek មានថ្វីដៃល្អ ហើយបទពិសោធន៍ នៅលើសង្វៀនក៏ច្រើនជាងកីឡាករ ផល សោភ័ណ្ឌដែរ ។ Yorth Sek ធ្លាប់ឡើង សង្វៀនបានចំនួន១០១ដង ឈ្នះ៨១ដង ចាញ់១៧ដង ស្មើ៣ដង ។ រីឯផល សោភ័ណ្ឌ ធ្លាប់ប្រកួតបានចំនួន៩២ដង ឈ្នះ៨១ដង ចាញ់១១ដង មិនដែលស្មើ ប្រកួតចុង ក្រោយវាយឈ្នះអ្នកប្រដាល់ថៃឈ្មោះ Khom Pichit Keaj Chunkeaw ដោយ ពិន្ទុ ។
ចំណែកឯកីឡាករសេក គឹមផៃ និង កីឡាករ Yorth Sing ពួកគេប្រកួតក្នុង ប្រភេទទម្ងន់៦០គីឡូក្រាម ។ កីឡាករ ទាំង២នាក់នេះមានបទពិសោធន៍ប្រកួត ប្រហាក់ប្រហែលគ្នា ដូច្នេះការប្រកួត នេះទំនងជាសេក គឹមផៃ មិនសូវចាញ់ ប្រៀប Yorth Sing ប៉ុន្មានឡើយ ។ Yorth Sing ធ្លាប់មកប្រកួតនៅកម្ពុជា ៣លើករួចមកហើយ ក្នុងនោះគេវាយ ស្មើពិន្ទុជាមួយកីឡាករ ឌុម កែវដា មក ពីក្លិបមកុដរាជសីហ៍ ប៉ុន្ដែបានវាយឈ្នះ កីឡាករ ង៉ែត រដ្ឋា និងឈ្នះកីឡាករ សេក គឹមរួន សិស្សប្អូនរបស់កីឡាករ សេក គឹមផៃ ដោយពិន្ទុ ។
ជំនួបប្រកួតរវាងសេក គឹមផៃ នឹង Yorth Sing ចាត់ទុកថា គឹមផៃ សងសឹក ជំនួសសិស្សប្អូនដែលចាញ់ក្រោមកណ្ដាប់ ដៃYorth Sing នាពេលកន្លងទៅ ។ ទោះ បីយ៉ាងនេះក្ដីគ្មានអ្នកវិភាគកីឡាក្នុង ស្រុកណាម្នាក់ប្រាកដក្នុងចិត្ដថា សេក គឹមផៃ អាចសងសឹកលើកីឡាករថៃ Yorth Sing បាននោះទេ ៕
ដោយ៖ សារីម
