ភ្នំពេញ៖ កណ្ដាប់ដៃឆ្វេងរបស់កីឡា ករថៃផ្លាយ ណយ (Phlay Noy)បានធ្វើ ឱ្យកីឡាករ ផាន់ គ្រាន់ មកពីក្លិបគជ សារកីឡាសន្លប់ក្នុងទឹកទី២ ខណៈដែល កីឡាករឈឿន ឆៃដែន មកពីក្លិបនិរោធ មានជ័យប្រកួតចាញ់ពិន្ទុកីឡាករ Phach Nam Ek កាលពីព្រឹកថ្ងៃទី២៤ ខែតុលា ឆ្នាំ២០១៥ នៅលើសង្វៀនទូរទស្សន៍ អាស៊ីអាគ្នេយ៍ ។
ជំនួបប្រកួតរវាង ផ្លាយ ណយ នឹង ផាន់ គ្រាន់ បានត្រឹមតែ២ទឹកប៉ុណ្ណោះ ផាន់ គ្រាន់ បានភ្លាត់ស្នៀតរងកណ្ដាប់ដៃ ឆ្វេងរបស់ផ្លាយណយចំថ្គាមខាងស្ដាំ បណ្ដាលឱ្យដួលសន្លប់ភ្លាមៗនៅលើ សង្វៀន បើទោះបីអាជ្ញាកណ្ដាលរាប់ រហូតដល់១០ក៏មិនអាចងើបប្រកួតបន្ដ ទៀតបានដែរ ។
ផាន់ គ្រាន់ ស្គាល់ពាក្យថា សន្លប់ ក្រោយពេលគេចមិនផុតពីកណ្ដាប់ដៃ ឆ្វេងរបស់ ផ្លាយ ណយ ក្នុងទឹកទី២បាន ជាង១នាទីប៉ុណ្ណោះ ផ្លាយ ណយ បានបង្ហាញ ភាពខ្លាំងរបស់ខ្លួនក្រោយវាយឱ្យ ផាន់ គ្រាន់ សន្លប់គេបានឡើងទៅអង្គុយគង ជើងនៅលើបង្គោលរេញសម្លឹងមើល អាជ្ញាកណ្ដាលរាប់ផាន់ គ្រាន់ ធ្វើព្រងើយ។
ដោយឡែកឈឿន ឆៃដែន បានតស៊ូ ជាមួយកីឡាករ Phach Nam Ek រហូត ដល់ចប់ទឹកទី៥ ប៉ុន្ដែលទ្ធផលត្រូវចាញ់ ពិន្ទុពីព្រោះអាជ្ញាកណ្ដាលលោក នួន បូរ៉ា បានរាប់ឆៃដែនម្ដងក្នុងទឹកទី៣ ។ ទោះបី អាជ្ញាកណ្ដាលរាប់កីឡាករ ឈឿន ឆៃដែន ក៏ដោយក៏កីឡាករ Phach Nam Ek ចង់ ផ្ដួលឱ្យឆៃដែនសន្លប់តាំងពីពាក់កណ្ដាល ទឹកទី៣មកម្ល៉េះដោយស្ថានភាពរបស់ ឆៃដែន ឈឺជើងខាងឆ្វេងជាខ្លាំង ។ ប៉ុន្ដែ ការប្រកួតក្នុងទឹកទី៤និងទឹកទី៥កីឡាករ ទាំង២នាក់ហាក់មានពិន្ទុប្រដំត្រសងគ្នា ខណៈពួកគេបានវាយតបតគ្នាទៅវិញទៅមកដោយប្រើទាំងកណ្ដាប់ដៃ ស្នៀតកែង ជង្គង់ និងទាត់ ទីបំផុតគណៈកម្មការចៅ ក្រមបានផ្ដល់ពិន្ទុឱ្យកីឡាករថៃ Phach Nam Ek ឈ្នះកីឡាករ ឈឿន ឆៃដែន ដោយពិន្ទុ ៕
ដោយ៖ សារីម
