ការវាយប្រហារទៅលើក្រុមអ៊ិស្លាមបង្កើតរដ្ឋពិបាកទទួលបានជោគជ័យខ្លាំងណាស់ប្រសិនបើគ្មានការវាយប្រហារពីកម្លាំងទាហានថ្មើរជើងទេនោះ ។
តាមការប្រកាសរបស់ប្រធានខុទ្ទកាល័យប្រធានាធិបតីរុស្ស៊ីលោក Sergei Ivanov បញ្ជាក់ថា បើទោះបីទម្លាក់ គ្រាប់ច្រើនប៉ុណ្ណាក៏ពិបាកយកឈ្នះដែរ បើគ្មានការវាយប្រហារតាមដីគោកទេ នោះ ។ លោកបន្ដទៀតថា សកម្មភាព នៅលើដែនអាកាសរបស់រុស្ស៊ីនៅក្នុង ប្រទេសស៊ីរីមិនមែនប្រឆាំងទៅនឹងក្រុមអ៊ិសស្លាមសាន់នីនោះទេ ឬក៏គាំទ្រប្រធានា ធិបតីអាល់ អាសាដ នោះដែរគឺជាការ វាយប្រហារទៅលើក្រុមភេរវកម្មតែ ប៉ុណ្ណោះ។
រដ្ឋាភិបាលទីក្រុងមូស្គូសង្ឃឹមថា ជំនួប រវាងរដ្ឋមន្ដ្រីការបរទេសរុស្ស៊ី Sergey Lavrov និងរដ្ឋមន្ដ្រីការបរទេសអាមេ រិក John Kerry គឺជាជំហានវិជ្ជមាន មួយអាចបង្កើតសម្ពន្ធមិត្ដធំទូលាយ ជាងនេះក្នុងប្រទេសស៊ីរី។ សម្ពន្ធមិត្ដ ប្រឆាំងក្រុមភេរវកម្មគឺត្រូវតែមានរុស្សុ,ីទួរគី, អារ៉ាប៊ីសាអ៊ូឌីត, ហ្ស៊កដង់, អ៊ីរ៉ាក់, អាមេរិក និងអឺរ៉ុប ។
មេដឹកនាំរុស្ស៊ីបញ្ជាក់ថា រុស្ស៊ីបាន ត្រៀមលក្ខណៈសហការជាមួយអាមេរិកនៅក្នុងសង្គ្រាមវាយប្រហារក្រុមភេរវកម្ម អិស្លាមបង្កើតរដ្ឋ ៕
ប្រែសម្រួល៖ ម៉ែវ សាធី
