ខេត្ដកោះកុង៖ ប្រជាពលរដ្ឋក៏ដូចជា ក្រុមកម្មករអូសរទេះទំនិញឆ្លងដែន នៅ ច្រកចាំយាម ខេត្ដកោះកុងបានឱ្យដឹងថា ពួកគេបានបង់លុយឱ្យមន្ដ្រីច្រកជាថ្នូរ ដើម្បីបានការអនុញ្ញាតអូសទំនិញគ្មាន គុណភាពចូលមកក្នុងស្រុក ។
ក្រុមកម្មករនិយាយថា ពួកឈ្មួញបាន នាំទំនិញគ្មានគុណភាពចូលស្ទើរជារៀង រាល់ថ្ងៃ ពិសេសពាក់ព័ន្ធនឹងម្ហូបអាហារ ក៏ដូចជារបស់ប្រើប្រាស់ផ្សេងៗ ។ ទំនិញ ឬម្ហូបអាហារ ដែលនាំចូលសុទ្ធតែត្រូវ បង់ប្រាក់ឱ្យជំនាញកាំកុងត្រូល ក៏ដូចជា សមត្ថកិច្ចពាក់ព័ន្ធមួយចំនួនទៀត ។
តាមសេចក្ដីរាយការណ៍ពីកម្មករទាំងនោះថា ពួកគេបានបង់លុយពី១ម៉ឺនរៀល ទៅ៥ម៉ឺនរៀល តាមទំហំរទេះតូចធំទៅឱ្យ មន្ដ្រីកាំកុងត្រូល គយ និងនគរបាល ជាថ្នូរដើម្បីអនុញ្ញាតឱ្យអូសរទេះដឹកជង្គង់មាន់ ស្លាបមាន់ ប្រហិត គ្រឿងសមុទ្រ និងគ្រឿងបរិភោគឧបភោគដទៃទៀត ចូលមកក្នុងដីខ្មែរ ។ ចំណែកស្ដ្រីម្នាក់ បាននិយាយថា ពួកគាត់បានម៉ៅទំនិញ ឡានចូលដោយបង់ឱ្យសមត្ថកិច្ច៣៥០ ដុល្លារ ។ ក្នុងនោះកាំកុងត្រូល១០០ដុល្លារ គយ២០០ដុល្លារនិងនគរបាល៥០ដុល្លារ ។
គួរបញ្ជាក់ថា ការទូទាត់លុយក្រៅ បញ្ជីរដ្ឋរវាងក្រុមអ្នកអូសរទេះដឹកទំនិញ នឹងសមត្ថកិច្ចច្រកទ្វារអន្ដរជាតិចាំយាម ពេលខ្លះត្រូវបានធ្វើដោយសម្ដែងតាម របៀបត្រង់ៗតែម្ដង ។
ប៉ុន្ដែបើទោះជាដូច្នេះក្ដីពាក់ព័ន្ធបញ្ហានេះលោក សំ ចិត្រា អនុប្រធានស្ដី ទីកាំកុងត្រូលប្រចាំច្រកចាំយាមបាន ច្រានចោលហើយថា ក្រុមរបស់លោក ពុំបានទារលុយពីកម្មករអូសរទេះទាំង នោះទេ ។ ចំណែកទាក់ទងដល់ភ្នាក់ងារ កាំកុងត្រូលលើកដៃទទួលលុយដែលគេ ឃើញគ្រប់គ្នានោះត្រូវបានលោកបក ស្រាយថាគ្រាន់តែជាការលើកលុយសងគេតែប៉ុណ្ណោះ ៕
ដោយ៖ ហេង នរិន្ទ្រ
