ខេត្ដកណ្ដាល៖ នៅព្រឹកថ្ងៃទី២៧ ខែ តុលា ឆ្នាំ២០១៥ មន្ដ្រីគយ និងសមត្ថ កិច្ចកងរាជអាវុធហត្ថខេត្ដកណ្ដាលបាន ឃាត់រថយន្ដធុនធំជាច្រើនគ្រឿងនាំឱ្យ មានការបិទផ្លូវ និងកកស្ទះចរាចរជាង ១ម៉ោងធ្វើឱ្យអ្នកដំណើរខកពេលវេលា ធ្វើការងាររកស៊ី ។
ជុំវិញការឃាត់រថយន្ដ និងនាំឱ្យមាន ការតវ៉ាពីអ្នកបើករថយន្ដនេះ លោក មួង តារ៉ា ប្រធានស្នាក់ការគយច្រកទ្វារព្រំ ដែនទ្វេភាគីជ្រៃធំបានបញ្ជាក់ថា ការ ឃាត់រថយន្ដដឹកដីថ្មខ្សាច់ទាំងចង្កូតឆ្វេង ស្ដាំខាងលើនេះ គ្រាន់តែជារពញ៉ាក់ម្ចាស់ រថយន្ដអត់បង់ពន្ធឱ្យដឹង មុននឹងសមត្ថ កិច្ចចាប់ផ្ដើមប្រើវិធានការក្ដៅចាប់ រថយន្ដអត់ពន្ធនៅដើមខែមករា ឆ្នាំ ២០១៦ ។
លោកបានបន្ដថា ការចាប់រថយន្ដ ខាងលើនេះ គឺចង់ប្រាប់ឱ្យម្ចាស់រថយន្ដ ដែលអត់ពន្ធប្រញ៉ាប់ប្រញ៉ាលទៅបំពេញ ការតព្វកិច្ចបង់ពន្ធ ។ ម្យ៉ាងទៀតម្ចាស់ រថយន្ដដែលមានចម្ងល់ និងមិនយល់ ត្រូវទៅសួរនាំមន្ដ្រីពន្ធនៅសាខាគយ និង រដ្ឋាករខេត្ដកណ្ដាល ។ ចំពោះរថយន្ដ ចង្កូតស្ដាំម្ចាស់រថយន្ដត្រូវទៅសាកសួរ មន្ដ្រីជំនាញគយថាតើរថយន្ដរបស់ខ្លួន ត្រូវបំពេញបែបបទយ៉ាងដូច្នេះ ព្រោះ ចំណាត់ការនៃការអនុវត្ដច្បាប់ និងធ្វើ ឡើងយ៉ាងតឹងរ៉ឹងនៅទូទាំងប្រទេស ។
លោកបានបញ្ជាក់ថា នៅដំណាក់ ដំបូងម្ចាស់រថយន្ដចង្កូតឆ្វេងត្រូវបំពេញ ការតព្វកិច្ចទៅបង់ពន្ធមុនគេ ។
នៅក្ន្នុងពេលក្រុមអ្នកបើកបររថយន្ដ មានប្រតិកម្មបិទផ្លូវចំពោះការចាប់ រថយន្ដនេះដែរ ក្រុមអ្នកបើកបររថយន្ដ បានលើកឡើង និងសំណូមពរតាមរយៈ ស្ថាប័នគយ និងរដ្ឋាករ ជួយអន្ដរាគមន៍ ទៅរាជរដ្ឋាភិបាលឱ្យមានការអនុគ្រោះ បន្ធូរបន្ថយការបង់ពន្ធចំពោះរថយន្ដ ចង្កូតស្ដាំផងដែរ ។
តបទៅនឹងសំណូមពរនេះ លោក មួង តារ៉ា មិនបានឆ្លើយតបទៅនឹងសំណូមពរ ក្រុមអ្នកបើកបរនេះទេ តែលោកបញ្ជាក់ ថា ការឃាត់រថយន្ដនេះ គឺជាការពញ៉ាក់ ឱ្យម្ចាស់រថយន្ដដឹងមុនបណ្ដោះ ព្រោះថា នៅថ្ងៃទី១ ខែមករា ឆ្នាំ២០១៦ និងចាប់ ផ្ដើមអនុវត្ដច្បាប់ចំពោះរថយន្ដអត់ពន្ធ។ ដូច្នេះម្ចាស់រថយន្ដអត់ពន្ធ ពិសេសរថយន្ដ ចង្កូតឆ្វេងប្រញ៉ាប់ទៅបង់ពន្ធឱ្យបានមុន ថ្ងៃកំណត់ ។ ចំពោះម្ចាស់រថយន្ដចង្កូត ស្ដាំក៏ប្រញ៉ាប់ប្រញ៉ាលទៅជួបម្នន្ដ្រីគយ ជំនាញដើម្បីបំពេញបែបបទសម្រាប់ បង់ពន្ធផងដែរ ៕
ដោយ៖ ស្អាងជ័យ
