ភ្នំពេញ៖ ខេមរសហព័ន្ធកីឡា តេក្វាន់ដូកម្ពុជាបានប្រកាសថា ខ្លួននឹង រៀបចំព្រឹត្ដិការណ៍មួយដែលប្រសិទ្ធនាមកម្មវិធីនោះថា Korean Ambassador’s Cup Taekwondo Competition (Best of The Best 2023) នាដើមខែ វិច្ឆិកា ឆ្នាំ២០១៥ បន្ទាប់ពីសហព័ន្ធមួយ នេះបានដំណើរការកម្មវិធីមួយដែល មានឈ្មោះថា Taekwondo Hope 2023 ដើម្បីជ្រើសរើសកីឡាករកីឡា ការិនីពីតាមបណ្ដាក្លិបតេក្វាន់ដូនានា ចំនួន២ខេត្ដមួយរាជធានីក្នុងចន្លោះអាយុក្រោម១២ឆ្នាំ អាយុក្រោម១៤ឆ្នាំ និង ក្រោម១៧ឆ្នាំ ។
គោលបំណងសំខាន់នៃកម្មវិធីខាង លើ គឺផ្ដោតទៅឆ្នាំ២០២៣ដើម្បីជំរុញ ការបណ្ដុះបណ្ដាលធនធានកីឡាករកីឡាការិនីថ្នាលឱ្យច្រើនដែលអាចធានាបាននូវគុណភាពសមត្ថភាពឆ្លើយតបតាមកម្មវិធីអភិវឌ្ឍន៍វិស័យអប់រំកាយ និង កីឡារបស់ក្រសួងអប់រំយុវជននិងកីឡា ដែលដាក់ចេញឱ្យគ្រប់សហព័ន្ធកីឡា ជាតិទាំងអស់ធ្វើផែនការសម្រាប់បណ្ដុះបណ្ដាលធនធានមនុស្សរៀងៗខ្លួនចាប់ពីឆ្នាំ២០១៦តទៅ ។
លោក ឆយ យ៉ុងសុខ គ្រូជម្រើសជាតិ កីឡាតេក្វាន់ដូកម្ពុជាមានប្រសាសន៍ ថា ព្រឹត្ដិការណ៍ប្រកួត Korean Amba-ssador’s Cup Taekwondo Com-petition Best of The Best 2023 នឹងមានកីឡាករកីឡាការិនីចូលរួម ប្រមាណ២០០នាក់ជម្រើសចេញពីកម្មវិធី Taekwondo Hope 2023 ដែល មានអាយុក្រោម១២ឆ្នាំ ក្រោម១៤ឆ្នាំ និងក្រោម១៧ឆ្នាំធ្វើនៅខេត្ដបាត់ដំបង ខេត្ដសៀមរាប និងរាជធានីភ្នំពេញរៀង រាល់ចុងសបា្ដហ៍ក្នុងរយៈពេល១ខែឬ៣ ខែពួកគេត្រូវប្រកួតធ្វើតេស្ដម្ដង ។
លក្ខខណ្ឌសម្រាប់ការចូលរួមកម្មវិធីនេះបាន គឺកីឡាករ-កីឡាការិនី ស្ថិតក្នុង ប្រភេទអាយុក្រោម១២ឆ្នាំអាយុក្រោម ១៤ឆ្នាំ និងក្រោម១៧ឆ្នាំហើយពួកគេ ត្រូវតែជាកីឡាករកីឡាការិនីមានចំណាត់ ថ្នាក់លេខ១-២របស់ក្លិបនីមួយៗ ។ សម្រាប់ព្រឹត្ដិការណ៍ Korean Amba-ssador’s Taekwondo Copetition (Best of the Best)កីឡាករកីឡាការិនី ចូលរួមប្រកួតសុទ្ធតែជាអ្នកខ្លាំងដែល បានចូលរួមហ្វឹកហាត់ក្នុងព្រឹត្ដិការណ៍ Taekwondo Hope 2023 ទាំងអស់។
លោកឆយ យ៉ុងសុខបានបន្ដទៀតថា សហព័ន្ធកីឡាតេក្វាន់ដូកម្ពុជាកំពុង សម្លឹងរកការចុះ MOU ជាមួយក្រសួង អប់រំយុវជន និងកីឡាដើម្បីទទួលបាន ថវិកាខ្លះសម្រាប់ផ្គត់ផ្គង់កីឡាករកីឡា ការិនីរយៈពេលវែងបន្ទាប់ពីជ្រើសរើសថ្នាលល្អៗចេញពីព្រឹត្ដិការណ៍ Korean Ambassador’s Taekwondo Cope-tition ឬក៏ហៅ Best Of the Best ដូច្នេះផែនការសម្រួចឱ្យអត្ដពលិកវ័យ ក្មេងឡើងដល់កំពូលហ្វីលីមីដោយជោគជ័យនោះសហព័ន្ធត្រូវការថវិកានិងស្វែង រកជំនួយពីអាជីវករកូរ៉េខ្លះៗសម្រាប់ ចិញ្ចឹមកីឡាករកីឡាការិនីខ្លាំងៗទាំងនេះឆ្ពោះទៅស៊ីហ្គេមឆ្នាំ២០២៣សម្រាប ់ប្រទេសកម្ពុជាធ្វើជាម្ចាស់ផ្ទះ ។
ចំពោះផែនការរបស់ខេមរសហព័ន្ធកីឡាតេក្វាន់ដូកម្ពុជាដែលកំពុងដំណើរការនេះក្រសួងអប់រំយុវជននិងកីឡាបានដាក់ចេញនូវផែនការកំណែទម្រង់វិស័យអប់រំកាយនិងកីឡាតាមរយៈការជំរុញ ឱ្យសហព័ន្ធកីឡាជាតិទាំងអស់ធ្វើសកម្មភាពមានដូចជាការបណ្ដុះបណ្ដាលធន ធានមនុស្ស មន្ដ្រី អាជ្ញាកណ្ដាល ចៅ ក្រមនិងបណ្ដុះបញ្ហាធនធានអត្ដពលិក វ័យក្មេងដោយក្រសួងទម្លាក់ថវិកាជា កញ្ចប់ឱ្យសហព័ន្ធមានលទ្ធភាពគ្រប់ គ្រាន់កសាងហេដ្ឋានរចនាសម្ព័ន្ធផង ដែរ ។
គួររំលឹកថា លោកឆយ យ៉ុងសុខ ធ្លាប់បានលះបង់ថវិកាផ្ទាល់ខ្លួនរបស់ លោកចំនួន១៦លានរៀលដែលទទួល បានពីរាជរដ្ឋាភិបាលកម្ពុជាក្នុងឋានៈ លោកដឹកនាំសិស្សតេក្វាន់ដូកម្ពុជា ដណ្ដើមបានមេដាយសំរឹទ្ធិពីកីឡាស៊ីហ្គេម លើកទី២៨នៅប្រទេសសិង្ហបុរីឆ្នាំ ២០១៥កន្លងទៅ ៕
ដោយ៖ សារីម
