ភ្នំពេញ៖ ស្ត្រីមានផ្ទៃពោះម្នាក់ខឹងប្តីបានដើរមកលោតទឹកពីលើស្ពានច្បារអំពៅ តែមិនបានសម្រេចត្រូវបានសមត្ថកិច្ចដែលប្រចាំការនៅលើស្ពានជូយសង្គ្រោះទាន់ពេលវលា ។
ហេតុការណ៍នេះបានកើតឡើងកាលពីវេលាម៉ោង២រំលងអធ្រាត្រឈានចូលថ្ងៃទី២៩ ខែតុលា ឆ្នាំ២០១៥ នៅស្ពានច្បារអំពៅ សង្កាត់ច្បារអំពៅ ខណ្ឌច្បារអំពៅ ។
តាមប្រភពព័ត៍មានពីសមត្ថកិច្ចបានឲ្យដឹងថា នៅមុនពេលកើតហេតុ គាត់បានឈរយាមនៅគល់ស្ពានច្បារអំពៅខាងកើត ភ្លាមនោះក៏ឃើញស្ត្រីមានផ្ទៃពោះម្នាក់វ័យប្រហែល៣០ឆ្នាំជាង បានដើរមកបម្រុងលោតទឹកពីលើស្ពានបំណងសម្លាប់ខ្លួន បន្ទាប់មករូបគាត់បានសួរនាំ និងពន្យល់ពីហេតុផផ ទើបស្ត្រីនោះចុះពីបង្កាន់ដៃស្ពានហើយដើរទៅផ្ទះវិញ ។
តាមសំដីស្ត្រីរងគ្រោះបានឲ្យដឹងថា រួបគាត់មានកូនតូចៗ២នាក់ទៀតនៅផ្ទះ និងមានផ្ទៃពោះផងដែរ មូលហេតុដែលធ្វើឲ្យរួបគាត់សម្រេចចិត្តមកលោតទឹកសម្លាប់ខ្លួន ដោយសារតែរួបគាត់ខឹងប្តីរបស់គាត់មានស្រីថ្មីមិនដែលគិតគូប្រពន្ធកូន ទើបធ្វើអោយគាត់ធ្វើបែបនេះ ។
ក្រោយពេលកើតហេតុស្ត្រីងគ្រោះបានដើរទៅផ្ទះវិញដោយសារតែមានកាពន្យល់ពីសមត្ថកិច្ចដែលប្រចាំការនៅលើស្ពាន ៕
ដោយ៖ ជីម ភារ៉ា
