ខេត្តឧត្តរមានជ័យ៖ ហេតុការណ៍គ្រោះថ្នាក់ចរាចរមួយបានកើតឡើង នៅក្នុងទឹកដីថៃ ចម្ងាយពីមាត់ច្រកអន្តរជាតិជាំសាង៉ាំ ស្រុកអន្លង់វែង ខេត្តឧត្តរមានជ័យ ប្រវែង៥គីឡូម៉ែត្ររវាងរថយន្តស៊ាំយ៉ុងដឹកទំនិញរបស់ខ្មែរ បុកជាមួយរថយន្តវីហ្គោរបស់ជនជាតិថៃ បណ្តាលឱ្យរងរបួសធ្ងន់ចំនួន២ នាក់ និងជាច្រើននាក់ទៀតរងរបួសស្រាល ។
ហេតុការណ៍នេះកើតឡើងកាលពីសវេលាម៉ោង ៨ព្រឹកថ្ងៃទី២៨ ខែតុលា ឆ្នាំ២០១៥ ដោយជនរងគ្រោះត្រូវបានរថយន្តសង្គ្រោះថៃ នាំយកទៅសង្គ្រោះនៅមន្ទីរពេទ្យប្រទេសថៃ ។
តាមប្រភពព័ត៌រមានពីអ្នកឃើញហេតុការបានឱ្យដឹងថា រថយន្តស៊ាំយ៉ុងរបស់អាជីវករខ្មែរ ពាក់ស្លាក់លេខ ភ្នំពេញ ២R-២៧០៣ ពណ៌ស បើកបរឈ្មោះ អេង ប៊ុនចេង ភេទប្រុសអាយុ ៥៣ឆ្នាំ បានបើកបរចូលទឹកដីថៃតាមផ្លូវជាតិក្នុងបំណងដឹកទំនិញពីផ្សារណាត់របស់ថៃ ដោយធ្វើចរាចណ៍ខាងឆ្វេងនៃច្បាប់ចរាចន៍ប្រទេសថៃ ប៉ុន្តែរថយន្តសាំយ៉ុងរបស់ខ្មែរខាងលើបានបើកបរបំពានចូលហួសគំនូសអាទិភាពរបស់គេ លុះដល់ចំណុចកើតហេតុខាងលើដែលជាចំណុចផ្ហូវកោង ក៏ស្រាប់តែមានរថយន្តរបស់ជនជាតិថៃ ម៉ាកវីហ្គោ បើកបរដោយឈ្មោះ វីណាត់ ចាន់ផាក់គ្រី ភេទស្រី អាយុ ៣៣ឆ្នាំ បើកបរបញ្ច្រាស់ទឹសគ្នា ក៍ត្រូវបានរថយន្តសាំយ៉ុងរបស់ខ្មែរបុកតែម្តង ។
ក្រោយពេលកើតហេតុ គេឃើញអ្នកបើកបររថយន្តទាំងរងរបួសធ្ងន់ ត្រូវបញ្ជូនទៅសង្គ្រោះនៅមន្ទីរពេទ្យថៃ ហើយអ្នករួមដំណើរជាមួយរងរបួសស្រាល ដោយចំណែករថយន្តទាំង២បានរងការខូចខាតយ៉ាងធ្ងន់ ៕
ដោយ៖ ប៉ែន នួន
