ភ្នំពេញ៖ កាលពីព្រឹកថ្ងៃទី២៨ ខែតុលាឆ្នាំ២០១៥ កន្លងទៅនៅសាលប្រជុំ របស់នាយកដ្ឋានអប់រំកាយ និងកីឡាបានរៀបចំប្រគល់វិញ្ញាបនបត្របញ្ជាក់ការសិក្សា វគ្គគ្របគ្រងរដ្ឋបាល កម្រិតបឋម ដល់គ្រូ បង្វឹកកីឡាប្រដាល់ ដែលជាមាជិក របស់សហព័ន្ធកីឡាប្រដាល់កម្ពុជា ក្នុងគោលបំណងពង្រឹង មត្ថភាពគ្រប់គ្រង សមាគមក្លិប ស្របតាមច្បាប់ក្រសួង អបរំយុវជននិងនិងកីឡាព្រម ទាំងអ្គការ កីឡានានា។
លោក ម៉ិល កាដូអគ្គលេខាធិការ សហព្ធ័កីឡាប្រដាល់កម្ពុជា និងគណៈកម្មការគ្រប់គ្រងវគ្គ បណ្តុះបណ្តាលនេះមានប្រសាសន៍ថា ចំពោះវគ្គសិក្សាដែលរៀបចំដោយ សហព័ន្ធកីឡាប្រដាល់ កម្ពុជា មានរយៈពេល៥ថ្ងៃ ចាប់ថ្ងៃទី២៤ដល់ ថ្ងៃទី២៨ខែតុលាឆ្នាំ២០១៥ មានសិក្ខាកាមចូលរួម សរុបចំនួន៦៦នាក់ មកពីបណ្តាសមាគមក្លិប ទូរទាំងប្រទេស ។
លោកបន្តទៀតថា ឆ្លងកាត់ការសិក្សារយៈខ្លី សិក្ខាកាមប្រមាណ៥០ភាគរយទទួលបាននិទ្ទេស ល្អ ២៥ភាគរយមាននិទ្ទេសមធ្យម និង២៥ភាគរយទៀត និទ្ទេសអន់ ហេតុដូច្នេះហើយ គណៈកម្មការ គ្រប់គ្រងវគ្គបានសម្រេចថា សិក្ខាកាមដែលមាននិទ្ទេសអន់ ត្រូវទទួលការបណ្តុះបណ្តាលបន្ថែម មួយរយៈទៀតទើបធ្វើការចែកវិញ្ញាបនបត្របញ្ជាក់ការសិក្សាជួន។
នៅក្នុងពិធីចែកវិញ្ញាបនបត្រខាងលើនេះដែរ លោក តែម ម៉ឺន ប្រធានសហព័ន្ធកីឡាប្រដាល់ កម្ពុជា មានប្រសាសន៍ផ្តាំផ្ញើដល់សិក្ខាកាមទាំងអស់ថា គ្រូបង្វឹក មន្ត្រីសមាគមក្លិប ដែលជាសមាជិក សហព័ន្ធកីឡាប្រដាល់កម្ពុជា នាពេលនេះ ទទួលបានការបណ្តុះបណ្តាលវគ្គបំប៉ន ស្តីពីការសិក្សា ឈ្វេងយល់ កិច្ចការគ្រប់គ្រង រដ្ឋបាលកម្រិតបឋម លើកដំបូង។
នៅក្នុងវគ្គនេះ ធ្វើឲ្យសិក្ខាកាមចេះ ពិនិត្យមើល ច្បាប់គ្រប់គ្រងរបស់ក្រសួងអប់រំយុវជន និងកីឡា ព្រមទាំងចេះរៀបចំកិច្ចការងារ រដ្ឋបាល ក្នុងសមាគមក្លិបរបស់ខ្លួន។
លោកក៏ផ្តាំផ្ញើដល់គ្រូកីឡាប្រដាល់ទាំង បញ្ឈប់ រាល់សកម្មភាពទិញលក់កីឡាពេលប្រកួត និង មុនពេលប្រកួត ពិសេស គ្រប់គ្រងឲ្យខាងតែបាននិងជៀសឲ្យផុត នូវកីឡាករ ប្រើប្រាសគ្រឿងញៀន ព្រោះវាធ្វើសមាគមក្លិនរបស់អស់លោកអ្នក ទទួលរងការបាត់បង់គុណភាព ឧត្ថមភាព សេចក្តីថ្លៃថ្នូរ សហព័ន្ធកីឡាប្រដាល់កម្ពុជាផងដែរ៕
ដោយ៖ សារីម
