ខេត្ដឧត្ដរមានជ័យ៖ ប្រជាពលរដ្ឋក៏ដូច អាជីវករនៅស្រុកអន្លង់វែងខេត្ដឧត្ដរមានជ័យ ដែលតម្រូវការឆ្លងដែនចេញចូល ទៅប្រទេសថៃជាប្រចាំដែលពួកគាត់ចាំបាច់ត្រូវធ្វើសំណុំបែបបទដូចជាបណ្ណ ឆ្លងដែនជាដើមត្រូវបាននគរបាលអន្ដោ ប្រវេសន៍ជាអ្នកទទួលធ្វើបែបបទឆ្លង ដែននៅច្រកទ្វាអន្ដរជាតិជាំសាង៉ាំបាន ដាក់គំនាបដល់ពួកគាត់ឱ្យបង់លុយតាមតែអំពើចិត្ដ ។
បើតាមការឱ្យដឹងពីប្រជាពលរដ្ឋម្នាក់ឈ្មោះនង គឹមឈើន ភេទប្រុស អាយុ ២៥ឆ្នាំ រស់នៅភូមិ អូចចិញ្ចៀន ឃុំ-ស្រុកអន្លង់វែងឱ្យដឹងថា រូបគាត់បានធ្វើ បណ្ណព្រំដែនក្នុងមួយនាក់១០ម៉ឺនរៀល ដើម្បីនាំប្រពន្ធទៅព្យាលនៅមន្ទីពេទ្យ ខេត្ដសូរិនប្រទេសថៃ ។ ចំណែកប្រជាពល រដ្ឋនៅស្រុកអន្លង់វែងជាច្រើននាក់ទៀតក៏បានលើកឡើងស្រដៀងគ្នានេះដែលថានៅច្រកអន្ដរជាតិអូស្មាច់ធ្វើបណ្ណព្រំដែនអស់តែប្រាំម៉ឺនរៀលតែប៉ុណ្ណុះ ។
សព្វថ្ងៃនេះសមត្ថកិច្ចក៏ដូចជាប្រជាពលរដ្ឋទូទៅនៅស្រុកអន្លង់វែងខេត្ដឧត្ដរមានជ័យទាំងមូលកំពុងតែមានការងឿងឆ្ងល់យ៉ាងខ្លាំងពាក់ព័ន្ធ និងបែបបទឆ្លង ដែនដូចជាបណ្ណព្រំដែនជាដើមដែលនៅក្នុងខេត្ដឧត្ដរមានជ័យតែមួយហេតុអ្វី បានជានគរបាលអន្ដោប្រវេសន៍ច្រកអន្ដរជាំសាងាំយកថ្លៃលើសគេធ្វេដងបែប នេះ? ដោយពួកគាត់មិនដឹងថាការ សម្រេចឬក៏ការអនុមត្ដរបស់ក្រសួង តម្រូវកំណត់យកលុយប៉ុន្មាននោះឡើយ ។
ជុំវិញករណីខាងលើអ្នកយកព័ត៌មាននគរវត្ដមិនអាចស្វែងរកការបំភ្លឺពីលោកប្រធាននគរបាលអន្ដោប្រវេសន៍ច្រក អន្ដរជាតិជាំសាង៉ាំបានឡើយនៅរសៀលថ្ងៃទី២៨ ខែតុលា ឆ្នាំ២០១៥ ៕
ដោយ៖ ប៉ែន នួន
