ខេត្ដព្រះសីហនុ៖ នរគបាលខេត្ដព្រះ សីហនុបានចាប់ខ្លួនបុរសម្នាក់ក្នុង ចំណោម៦នាក់បន្ទាប់ពីប្រើអំពើហិង្សា បង្ករបួសស្នាមទៅលើបុរស៣នាក់ ពេលមានជម្លោះនៅក្នុងវង់ផឹកស៊ី។ ជន សង្ស័យត្រូវបានឃាត់ខ្លួនកាលពីថ្ងៃទី២៨ ខែតុលា ឆ្នាំ២០១៥ នៅក្រុមទី៣១ ភូមិ៣ សង្កាត់លេខ៣ ក្រុង-ខេត្ដព្រះ សីហនុ ក្រោយពីមានជម្លោះកាលពីថ្ងៃ ទី២៧ ខែតុលា ហើយបានបញ្ជូនទៅ តុលាការនៅរសៀលថ្ងៃទី២៩ តុលា ដើម្បីចាត់ការតាមផ្លូវច្បាប់។
តាមមន្ដ្រីនគរបាលព្រហ្មទណ្ឌកម្រិត ស្រាលនៃស្នងការដ្ឋាននគរបាលខេត្ដព្រះ សីហនុឱ្យដឹងថា ជនសង្ស័យដែលត្រូវ បានចាប់ខ្លួនបញ្ជូនទៅតុលាការឈ្មោះ ថោង សាវ៉ាត ភេទប្រុស អាយុ២៦ឆ្នាំ មុខរបរកម្មករនេសាទ មានទីលំនៅ ក្រុមទី៥ ភូមិ១ទំនប់រលក សង្កាត់លេខ១ ក្រុងព្រះសីហនុ។ ចំណែកបក្ខពួក៥នាក់ ទៀតដែលរត់គេចខ្ល្លួនពីរនាក់ត្រូវបានគេ ស្គាល់ឈ្មោះ ថោង ចាន់ណារ៉ា ភេទ ប្រុស និងទី២-ឈ្មោះ ខ្លា ភេទប្រុស និង ៣នាក់មិនត្រូវបានស្គាល់អត្ដសញ្ញាណ តែសមត្ថកិច្ចបាននឹងកំពុងតាមចាប់ខ្លួន។
តាមរបាយការណ៍នគរបាលបង្ហាញ ថា ជនរងគ្រោះត្រូវជនសង្ស័យប្រើដំបង ដុំថ្មវាយគប់ឱ្យរបួសធ្ងន់ទី១-ឈ្មោះ កែវ ចំរើន ភេទប្រុស អាយុ៣០ឆ្នាំ ជាកម្មករ នេសាទ ស្នាក់នៅលើទូក រងរបួសភ្នែក ខាងស្ដាំ ដេរ៧ថ្នេរ ទី២-ឈ្មោះ ម៉ៅង ហេង ភេទប្រុស អាយុ២៧ឆ្នាំ មុខរបរ កម្មករនេសាទ ស្នាក់នៅលើទូក រងរបួស ត្រង់ចង្ការ ដេរ២ថ្នេរ និងទី៣-ឈ្មោះ ប៉ែន សុផាត ហៅហយ ភេទប្រុស អាយុ ៣០ឆ្នាំ ជាកម្មករនេសាទ ស្នាក់នៅលើ ទូក រងរបួសភ្នែកខាងស្ដាំនិងថ្ងាស។ ជន រងគ្រោះទាំង៣នាក់បច្ចុប្បន្នកំពុង សម្រាក់ព្យាបាលរបួសនៅមន្ទីរពេទ្យ ខេត្ដព្រះសីហនុ។
តាមប្រភពបានឱ្យដឹងថា កាលពីថ្ងៃ ទី២៧ ខែតុលា ឆ្នាំ២០១៥ វេលាម៉ោង ២៣ ជនសង្ស័យនិងជនរងគ្រោះដែលជា កម្មករទូកដូចគ្នាបានជួបជុំផឹកស៊ីជាមួយ គ្នា។ ពេលនោះក៏កើតជម្លោះវាយមក លើជនរងគ្រោះបណ្ដាលឱ្យរងរបួសធ្ងន់ តែគេពុំដឹងថាផ្ដើមចេញពីមូលហេតុអ្វី នោះទេ។ បន្ទាប់ពីបង្ករបួសស្នាមហើយ នេះជនដៃដល់ទាំង៦នាក់បានរត់គេចខ្លួន តែត្រូវបានសមត្ថកិច្ចតាមចាប់ខ្លួនបាន ម្នាក់នៅថ្ងៃទី២៨ ខែតុលា វេលាម៉ោង៣ រសៀល និង៥ជនបង្ក៥នាក់ទៀតបានរត់ គេចខ្លួននៅឡើយហើយសមត្ថកិច្ចបាន នឹងកំពុងបន្ដចាប់ខ្លួនដើម្បីយកមកផ្ទន្ទា ទោសតាមច្បាប់ ៕
ដោយ៖ ឆ្លាមសមុទ្រ
