ខេត្តកំពង់ឆ្នាំង៖ កម្មករសំណង់ម្នាក់បានរងរបួសធ្ងន់ដាច់រន្ទាធ្លាក់បោកក្បាលត្រូវនឹងឈើនៅខាងក្រោម រយះក្បាលនិងរបួសជើងជាទម្ងន់ ។ ដែលហេតុការណ៍នេះបានកើតឡើងកាលពីវេលាម៉ោង៣និង១៥នាទីរសៀលថ្ងៃទី៣០ ខែតុលា ឆ្នាំ២០១៥ នៅភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
សមត្ថកិច្ចបានអោយដឹងថា ជនរងគ្រោះមានឈ្មោះ ធា រិទ្ធ ភេទប្រុស អាយុ២៨ឆ្នាំ រស់នៅភូមិល្វា ឃុំស្វាយរំពា ស្រុកកំពង់លែង ខេត្តកំពង់ឆ្នាំង ។ ទើបមកធ្វើជាកម្មករសំណង់បានជាង១សប្តាហ៍ ។
ប្រជាពលរដ្ឋនៅកន្លែងកើតហេតុបានអោយដឹងថា ជនរងគ្រោះបានឡើងរន្ទា បូកជញ្ជាំងដូចរាល់ដងដែលមានកំពស់ប្រមាណជាង៧ម៉ែត្រ ស្រាប់តែកំពុងធ្វើការរន្ទាដែលជនរងគ្រោះឈរនោះបានដាច់ចំណងដែក ក៍បណ្តាលអោយជនរងគ្រោះធ្លាក់មកដីហើយបោកក្បាលត្រូវនឹងឈើបណ្តាលមុតរយះក្បាល និងជើងផងដែរ ។
ក្រោយពេលកើតហេតុ អ្នកធើ្វការនៅទីនោះបានដឹកមកសង្រ្គោះភ្លាមៗនៅមន្ទីរពេទ្យបង្អែកខេត្តកំពង់ឆ្នាំងតែម្តង ៕
ដោយ៖ ចន្ថា
