លោកស្រី Bidhya Devi Bhandari មកពីគណបក្សសង្គមនិយមនេប៉ាល់ UCPN បានក្លាយទៅជាស្ដ្រីប្រធានា ធិបតីដំបូងគេបង្អស់របស់ប្រទេសនេះ ក្រោយការបោះឆ្នោតជាប្រវត្ដិសាស្ដ្រ កាលពីពេលកន្លងមក។
លោកស្រី Bidhya Devi Bhandari ទទួលបានសំឡេងគាំទ្រ៣២៧អាសនៈ ក្នុង ចំណោមអាសនៈ៥៤១ដែលបេក្ខជនតំណាង រាស្ដ្របានចូលរួមបោះឆ្នោតជ្រើសរើស ប្រធានាធិបតីនៅក្នុងសភាដែលធ្វើឡើងកាលពី ថ្ងៃទី២៨ ខែតុលា ។ ការទទួលជ័យ ជម្នះរបស់លោកស្រីដោយសារតែមានការគាំទ្រពីគណបក្សធំទី៣នៅក្នុងសភា និងគណបក្សតូចៗជាច្រើនទៀតផង ។
គូប្រជែងរបស់លោកស្រីគឺបេក្ខភាពមកពីគណបក្សមហាជនលោក Kul Bahadur Gurung មានសឡេងគាំទ្រ តែ២១៤សំឡេងប៉ុណ្ណោះ ។
លោកស្រី Bidhya Devi Bhandari អាយុ៥៤ឆ្នាំ ជាប្រធានាធិបតីទី២ក្នុង ប្រទេសនេប៉ាល់ ចាប់តាំងពីប្រទេសនេះ បញ្ចប់ការគ្រប់គ្រងដោយរបបយោធា អូសបន្លាយរយៈពេលជាង២៤០ឆ្នាំ នៅ ឆ្នាំ២០០៨ ។ លោកស្រីនឹងជំនួសតំណែង ប្រធានាធិបតី Ram Baran Yaday ដែលបានឡើងកាន់តំណែងកាលពីថ្ងៃទី២៣ ខែកក្កដាកន្លងមក ។ ពិធីស្បថចូលកាន់ តំណែងរបស់លោកស្រីត្រូវបានធ្វើឡើងនៅថ្ងៃទី២៩ ខែតុលាម្សិលមិញនេះ ៕
ប្រែសម្រួល៖ ម៉ែវ សាធី
