ភ្នំពេញ៖ នៅល្ងាចថ្ងៃសៅរ៍ ទី៣១ ខែតុលា ឆ្នាំ២០១៥ កីឡាករ យ៉េន ឌីណា មកពីក្លិបអប្សរាគុនខ្មែរកំពុងក្លាយ ជាទីចាប់អារម្មណ៍របស់ទស្សនិកជន ដែលនិយមទស្សនាការប្រកួតរបស់គេនាពេលកន្លងមកក្នុងកម្មវិធីកំពូលអ្នក ប្រដាល់គុនខ្មែរជើងឯកគោជល់វគ្គ២នៅលើសង្វៀនប្រដាល់ទូរទស្សន៍ស៊ីអិនស៊ី ឫស្សីកែវ ។
ដូច្នេះនៅក្នុងជំនួបប្រកួតវគ្គផ្ដាច់ ព្រ័ត្រនាល្ងាចថ្ងៃសៅរ៍ ទី៣១ ខែតុលា នេះកីឡាករ យ៉េន ឌីណា ត្រូវប្រជែងជា មួយកីឡាករ ឆ្លាក់ឆ័យ សារ៉ាភីយីម មកពីខេត្ដសុវណ្ណខេតប្រទេសឡាវដើម្បី ដណ្ដើមយកចំណាត់ថ្នាក់លេខ១ និង លេខ២ ខណៈដែលកីឡាករ សុខ សុវណ្ណ មកពីកងពលធំអន្ដរាគមន៍លេខ២ត្រូវ ជួបប្រកួតជាមួយកីឡាករ វ៉ាន់មីឈោក សសាគុនថងមកពីខេត្ដសុវណ្ណខេតប្រទេស ឡាវវាយដណ្ដើមយកចំណាត់ថ្នាក់លេខ៣និងលេខ៤ ។
កីឡាករ យ៉េន ឌីណា ត្រូវអ្នកគាំទ្រ របស់គេសង្ឃឹមថា អាចឆ្លងផុតវគ្គផ្ដាច់ ព្រ័ត្រជាមួយអ្នកប្រដាល់ឡាវរូបនេះ តាមរយៈការប្រើស្នៀតដ៏ប៉ិនប្រសប់ទាំងស្នៀតវាយកែងជង្គង់ទាត់ក្នុងចំណាម កីឡាករ៨នាក់ដែលបានចូលរួមប្រកួតក្នុងវគ្គទី២ដណ្ដើមខ្សែក្រវាត់គោជល់ នេះភាគច្រើនសុទ្ធតែត្រូវ យ៉េន ឌីណា វាយឱ្យសន្លប់ រីឯការប្រកួតចុងក្រោយ គេវាយឈ្នះកីឡាករ វ៉ាន់មីឈោក សសា គុនថង នៅវគ្គពាក់កណ្ដាលផ្ដាច់ព្រ័ត្រ ចំណែក ឯកីឡាករ សុខ សុវណ្ណប៉ះជា មួយ វ៉ាន់មីឈោក សសាគុនថង នៅវគ្គ ផ្ដាច់ព្រ័ត្រ ។ ថ្ងៃសៅរ៍នេះទំនងមិនងាយ យកឈ្នះកីឡាករឡាវរូបនោះបានឡើយ ។
ការប្រកួតនៅល្ងាចថ្ងៃសៅរ៍ ទី៣១ ខែ តុលាវគ្គផ្ដាច់ព្រ័ត្រវាយដណ្ដើមខ្សែ ក្រវាត់គោជល់មានតែ៣គូប៉ុណ្ណោះ ក្នុងនោះគូបើកឆាកទី១តម្រូវលើកីឡា ករ ស្រិល ទ្រី មកពីក្លិប គជសារកីឡា ប្រកួតជាមួយកីឡាសុខ ទូ មកពីក្លិប ឃ្លាំងមឿងកីឡាខេត្ដពោធិ៍សាត់ប្រភេទទម្ងន់៥៤គីឡូក្រាម ៕
ដោយ៖ សារីម
