ខេត្ដព្រះសីហនុ៖ កម្លាំងកងរាជអាវុធ ហត្ថខេត្ដព្រះសីហនុបានចាប់ខ្លួនចោរលួច ម៉ូតូពីរនាក់ទៅតុលាការបន្ទាប់ពីលួច ម៉ូតូរបស់សន្ដិសុខកាលពីយប់ថ្ងៃទី១ ខែ វិច្ឆិកា ឆ្នាំ២០១៥ នៅក្រុមទី១០ ភូមិ៤ ឃុំទំនប់រលក ស្រុកស្ទឹងហាវ ខេត្ដព្រះសីហនុ ។
មន្ដ្រីអាវុធហត្ថបានឱ្យដឹងថា ជន សង្ស័យត្រូវបានចាប់ខ្លួនបញ្ជូនទៅតុលាការទី១ឈ្មោះ ឈួន ឆន ភេទប្រុស អាយុ ២៥ឆ្នាំ មុខរបរមិនពិតប្រាកដ និងទី២ ឈ្មោះ សិ សៀងហៃ ភេទប្រុស អាយុ២០ ឆ្នាំ មុខរបរមិនពិតប្រាកដ មានទីលំនៅ ភូមិ២ ឃុំទំនប់រលក ស្រុកស្ទឹងហាវ ខេត្ដព្រះសីហនុ ។
មន្ដ្រីដដែលបានបញ្ជាក់ថា ជនសង្ស័យ ទាំងពីរនាក់ខាងលើនេះបានធ្វើសកម្មភាព កាច់កម៉ូតូរបស់គេមួយគ្រឿងម៉ាកហុង ដា សេ១២៥ ពណ៌ខ្មៅ ពាក់ស្លាកលេខ ក្រុងព្រះសីហនុ 1B-3691 ។ ម៉ូតូនេះជា របស់ឈ្មោះ ភោគ ប៉ាវ ភេទប្រុស អាយុ ២៦ឆ្នាំ មុខរបរសន្ដិសុខការពារពោង ប្រេងកំពេញ មានទីលំនៅភូមិ-ឃុំខាង លើ ។
តាមម្ចាស់ម៉ូតូបានប្រាប់ឱ្យដឹងថា ម៉ូតូរបស់ខ្លួនមុខពេលបាត់បានផ្ទុកនៅ គៀនផ្ទះមិត្ដភក្ដិ ហើយពេលចុះពីយាម ក៏ស្រាប់តែបាត់ម៉ូតូតែម្ដង ។ ក្រោយពី បាត់ម៉ូតូរូបគាត់ក៏បានទៅប្ដឹងសមត្ថកិច្ច ឱ្យជួយស្រាវជ្រាវតាមចាប់ខ្លួនជនសង្ស័យ ។
បើយោងតាមសមត្ថកិច្ចកងរាជអាវុធ ហត្ថឱ្យដឹងដែលថា ជនសង្ស័យទាំងពីរ នាក់ខាងលើនេះសមត្ថកិច្ចចាប់ខ្លួនបាន នៅវេលាម៉ោង២៣និង៤៥នាទីក្រោយពី ជនសង្ស័យបានលួចយកម៉ូតូជនរងគ្រោះ កាលពីវេលាម៉ោង២០និង២០នាទីថ្ងៃទី ១ ខែវិច្ឆិកា ឆ្នាំ២០១៥ ។ ជនសង្ស័យ ទាំងពីរនាក់សមត្ថកិច្ចឃាត់ខ្លួននៅមុខ សាលមហោស្របចាស់ស្ថិតនៅក្រុម៧ ភូមិ២ សង្កាត់លេខ២ ក្រុង-ខេត្ដព្រះ សីហនុ ។
បើតាមសមត្ថកិច្ចឱ្យដឹងថា ជនសង្ស័យ ទាំងពីរត្រូវបានបញ្ជូនទៅតុលាការនៅ រសៀលថ្ងៃទី២ ខែវិច្ឆិកា ឆ្នាំ ២០១៥ ហើយត្រូវបានតុលាការចោទប្រកាន់ បញ្ជូនទៅឃុំខ្លួននៅពន្ធធនាគារដើម្បី បើសវនាកាចាត់ការតាមច្បាប់ ៕
ដោយ៖ ឆ្លាម សមុទ្រ
