ខេត្ដប៉ៃលិន៖ ស្ដ្រីម្នាក់បានសម្រាល កូនភ្លោះមុខខែតែពុំមានបញ្ហាដល់ម្ដាយ និងទារកភ្លោះពីរនាក់នោះទេ ក៏ប៉ុន្ដែសុខ ភាពទាំងម្ដាយនិងកូនក៏មិនសូវប្រសើរ ប៉ុន្មានដែលព្រោះទារកភ្លោះទាំងពីរនាក់ នេះម្ដាយប្រសូត្រមកពរពោះត្រឹមតែ៦ ខែពីរថ្ងៃប៉ុណ្ណោះ ។
ស្ដ្រីដែលឆ្លងទន្លេបានទារកភ្លោះមិន គ្រប់ខែខាងលើនេះគឺបានសម្រាលនៅ ព្រឹកថ្ងៃទី២ ខែវិច្ឆិកា ឆ្នាំ២០១៥ នៅក្នុង មណ្ឌលសុខភាពអូរច្រា ស្ថិតនៅភូមិអូរ ជើង សង្កាត់ទួលល្វា ក្រុង-ខេត្ដប៉ៃលិន ។
ប្ដីស្ដ្រីសម្រាលកូនមុនខែឈ្មោះ សាយ ជា អាយុ២៣ឆ្នាំ រស់នៅភូមិបរហ៊ុយជើង សង្កាត់បរយ៉ាខា ក្រុង-ខេត្ដប៉ៃលិន មាន មុខរបរជាអ្នកធ្វើចម្ការបានប្រាប់ឱ្យដឹង ថា ប្រពន្ធរបស់គាត់ដែលសម្រាលកូន ភ្លោះឈ្មោះ ចន ជូរ អាយុ២២ឆ្នាំ រស់នៅ ភូមិ-ឃុំជាមួយគ្នាក្នុងមុខរបរជាអ្នកធ្វើ ចម្ការ ។
ប្ដីស្ដ្រីសម្រាលទារកភ្លោះបានបញ្ជាក់ ថា ប្រពន្ធរបស់គាត់សម្រាលកូនភ្លោះ នេះគឺជាការសម្រាលកូនលើទី១ក្រោយ ពីបានរៀបអាពាហ៍ពិពាហ៍ជាង១ឆ្នាំនៅ ភូមិបរហ៊ុយជើង ។
ប្ដីស្ដ្រីចន ជូរ បានឱ្យដឹងដែលថា នៅ មុខពេលដែលប្រពន្ធរបស់គាត់ឈឺពោះ ឆ្លងទន្លេនិងក្នុងរយៈពេលពរពោះប្រពន្ធ របស់គាត់បានមកពិនិត្យសុខភាពនិង ពោះតែម្ដងប៉ុណ្ណោះនៅមណ្ឌលសុខភាព អូរច្រា ។ លុះនៅព្រឹកថ្ងៃទី២ ខែវិច្ឆិកា ឆ្នាំ២០១៥ ប្រពន្ធរបស់គាត់ផ្ដើមថ្ងូរឈឺ ពោះតិចៗគាត់ក៏ដឹកប្រពន្ធមកកាន់ មណ្ឌលសុខភាពអូរច្រា ហើយមិនបាន ប៉ុន្មានផងប្រពន្ធកាន់តែឈឺពោះខ្លាំង ឡើងៗ ។ ពេលនោះគ្រូពេទ្យក៏បានឱ្យចូល ទៅក្នុងបន្ទប់សម្រាលកូនចាប់ពីម៉ោង ជាង៧ព្រឹករហូតដល់ម៉ោង២ថ្ងៃដដែល ទើបប្រពន្ធរបស់គាត់បានសម្រាលទារក ភ្លោះតែម្ដង ។
បើតាមគ្រូពេទ្យបានប្រាប់ឱ្យដឹងថា ទារកភ្លោះដែលសម្រាលមកនោះមាន អាវៈជីវៈគ្រប់គ្រាន់និងទារកមួយមាន ទម្ងន់១គីឡូក្រាមតែសុខភាពរបស់គេ ខ្សោយរួមទាំងម្ដាយទារកផងដែរ ។ ដោយ សារស្ដ្រីខាងលើនេះសម្រាលកូនមិនទាន់ គ្រប់ខែដូច្នេះដើម្បីជាភាពកក់ក្ដៅដល់ សុខភាពទារកគ្រូពេទ្យបានសម្រេចបញ្ជូន ម្ដាយនិងទារកទៅកាន់មន្ទីរពេទ្យបង្អែក ខេត្ដប៉ៃលិន ។ ចំពោះទារកត្រូវបន្ដដាក់ ចូលក្នុងកែវដែលមានកំដៅនិងជំនួយ ដោយខ្យល់អុកស្សែនផងដែរ ៕
ដោយ៖ ស សារ៉េត
