ភ្នំពេញ៖ អតិថិជនមួយចំនួនដែល ពាក់ព័ន្ធនិងការបង់ពន្ធនិងបង់អ្វីផ្សេងៗ បានសម្ដែងការខឹងសម្បាយ៉ាងខ្លាំងទៅ លើបុគ្គលិកស្រីអេស៊ីលីដាម្នាក់ដែល បានប្រើពាក្យគំរោះកំរើយប្រៀបបីដូច ជាអតិថិជនទៅសុំទានយ៉ាងដូច្នេះដែរ ។
អតិថិជនមួយរូបដែលសុំមិនបញ្ជេញ ឈ្មោះថ្មីៗនេះគាត់បានវេចលុយទៅបង់ ពន្ធរថយន្ដនិងម៉ូតូដោយមានឯកសារ គ្រប់គ្រន់ ។ ក៏ប៉ុន្ដែអតិថិជនរូបនេះមាន ចម្ងល់ចង់សួរទៅបុគ្គលិកស្រីអេស៊ីលីដា ម្នាក់ដែលមានរូបថតខាងលើនេះបាន ឆ្លើយនិងប្រើពាក្យសម្ដីគំរោះគំរើយដូចជាមិនសមជាបុគ្គលិកបម្រើការងារនៅ ធនាគារធំៗមួយចំនួនទៀតនៅរាជធានី ភ្នំពេញនោះទេ ។
អតិថិជនដដែលបានឱ្យដឹងទៀតថា មិនតែរូបលោកម្នាក់ដែលត្រូវបុគ្គលិក ស្រីម្នាក់នេះប្រើពាក្យគំរោះគំរើយដាក់ ដែលមើលទៅដូចគេយកលុបង់ឱ្យអត់ គ្រប់អ៊ីនចឹង ។ បន្ទាប់ពីរូបគាត់និងនាងជា គូដណ្ដឹងរបស់គាត់បានទៅបង់ពន្ធផ្ទះ ហើយបានប្រាប់គាត់ថា នាងក៏បានជួប នឹងបុគ្គលិកស្រីសម្ដីអាក្រក់គ្រោតគ្រាតម្នាក់នេះដែរ ។ គូដណ្ដឹងរបស់លោកបាន បញ្ជាក់ថា“បុគ្គលិកស្រីម្នាក់នេះអត់ចង់ទទួលឯកសាររបស់ខ្ញុំទេទោះមានគ្រប់ គ្រាន់ក្ដី” ។ នៅពេលនោះនាងបានប្រាប់ ទៅបុគ្គលិកស្រីដែលមិនស្គាល់ឈ្មោះ ម្នាក់នេះដើម្បីសុំជួបអ្នកគ្រប់គ្រង (Manager)តែត្រូវបុគ្គលិកអេស៊ីលីដាមុខចងចិញ្ជើមម្នាក់នេះបដិសេធមិនឱ្យជួបជាដាច់ខាត ។
អតិថិជនខាងលើបានបន្ដថា កាល ដែលលោកអាចដឹងអ្វីដែលគូដណ្ដឹង របស់គាត់ប្រាប់ពីទង្វើរបស់បុគ្គលិកស្រី នេះបានដោយសារនាងផ្ញើរូបបុគ្គិលស្រី អេស៊ីលីដានេះមកដោយចៃដន្យដែលជា មនុស្សតែមួយទើបរូបខ្ញុំសម្រេចPost (បង្ហោះតាមហ្វេសប៊ុក)ចង់ប្រាប់ឱ្យអតិ ថិជនទាំងឡាយដឹងបើវេចលុយយកទៅបង់ពន្ធរថយន្ដ ម៉ូតូ ផ្ទះ ។ល។ បើជួប បុគ្គលិកអេស៊ីលីដាដូចដែលមានរូបនៅក្នុងរូបថតនេះឬបើមានពេលវេលានិងគ្មានភាពចាំបាច់ប្រញាប់ប្រញាល់ទៅណាទេគួរតែអង្គុយចាំបុគ្គលិកផ្សេង ចៀសវាងកុំឱ្យខូចអារម្មណ៍ព្រោះមាន លុយយកទៅបង់ឱ្យហើយដូចជាទៅសុំ ទានឬក៏ទៅសុំភ្លើងយក្សអ៊ីខចឹង ។
អតិថិជនដដែលនេះបានបន្ដថា ក្រោយពីមានភាពចៃដន្យដូចគ្នានេះ លោកក៏ប្រាប់នាងជាគូដណ្ដឹងថា លោក ក៏ធ្លាប់ទៅធនាគារអេស៊ីលីដាដើម្បីបង់ ពន្ធរថយន្ដនិងម៉ូតូហើយបានជួបបុគ្គលិក អេស៊ីលីដារូបនេះប្រើពាក្យគំរោះគំរើយបែបនេះដែរមិនដូចកាលដែលលោក ទៅបង់នៅធនាគារផ្សេងៗមួយចំនួន ដែលគេរាក់ទាក់និយាយមានសុជីវធម៌ល្អណាស់ ។
អតិថិជនដដែលបានរិះគន់ទៅលើ បុគ្គលិកដដែលនេះថា បុគ្គលិកអេស៊ីលី ដាម្នាក់នេះតាមពិតទៅជាអ្នកបម្រើសេ វាកម្មដល់អតិថិជន គឺមិនមែនជាថៅ កែអតិថិជននោះទេ ហើយលោកសង្ឃឹម និងជឿជាក់ថា ម្ចាស់ធនាគារក៏ដូចជាគ្រប់ គ្រងធនាគារអេស៊ីលីដាត្រូវតែណែនាំ បុគ្គលិករបស់ខ្លួនម្នាក់នេះពីការនិយាយ ស្ដីជាមួយអតិថិជននិងផ្ដល់ព័ត៌មាន ផ្សេងៗថ្មីៗដល់អតិថិជនជាមួយនិងភាពស្វាគមន៍ដោយភាពកក់ក្ដៅយកចិត្ដ អតិថិជនមិនមែនប្រើពាក្យគំរោះគំរើយអសីលធម៌បែបនេះទេ ។ ការដែល លោករិះគន់បែបនេះព្រោះថាជាធម្មតាមិនថាបុគ្គលិកធនាគារនោះទេអ្នក បម្រើសេវានៅគ្រប់ទីកន្លែងមុននឹង អាចចូលបម្រើការងារបានមានភាពចាំបាច់បានទទួលការហ្វឹកហាត់បង្រៀនពី របៀបរបបទទួលការពន្យល់ពីថៅកែ ដោយចាត់ទុកភ្ញៀវឬអតិថិជនជាស្ដេច។
ជុំវិញការរិះគន់ចំពោះបុគ្គលិកស្រី ម្នាក់របស់ធនាគារអេស៊ីលីដាខាងលើនេះ នគរវត្ដមិនអាចរកការពន្យល់ពីម្ចាស់ ធនាគារអេស៊ីលីដានិងអ្នកគ្រប់គ្រង ធនាគារមួយនេះបានទេនៅព្រឹកថ្ងៃទី៤ ខែវិច្ឆិកា ឆ្នាំ២០១៥ ខណៈនៅមានអតិថិ ជនមួយចំនួនទៀតបានសម្ដែងការខក ចិត្ដជ្រុលខ្លួនពាក់ព័ន្ធឯកសារមួយចំនួន ត្រូវទៅបង់ប្រាក់ឱ្យធនាគារមួយនេះ ៕
ដោយ៖ លី ហ៊ាង
ពាណិជ្ជកម្ម៖
