ខេត្ដប៉ៃលិន៖ បុរសម្នាក់ទើបសន្សំ លុយបានទិញម៉ូតូថ្មីរៀនជិះចៃដន្យទៅបុក គំរបលូដួលរងរបួសធ្ងន់ដែលករណីនេះ បានកើតឡើងនៅល្ងាចថ្ងៃទី៣ ខែវិច្ឆកា ឆ្នាំ២០១៥ នៅចំណុចផ្លូវបំបែកក្នុងភូមិ ក្រចាប់ក្រោម សង្កាត់អូរតាវ៉ៅ ក្រុង- ខេត្ដប៉ៃលិន ។
អ្នកភូមិឱ្យដឹងថា ជនរងគ្រោះឈ្មោះ តា កប អាយុ៥៨ឆ្នាំ មុខរបរធ្វើចម្ការ រស់នៅភូមិអូទីង សង្កាត់អូរតាវ៉ៅ ក្រុង-ខេត្ដប៉ៃលិន ។ ប្រភពពីអ្នកភូមិ បានបន្ដរថា ជនរងគ្រោះទើបនិងទិញម៉ូតូ ហុងដាសេរី២០១៤ ហើយបានរៀនជិះពី ភូមិអូរទីងសំដៅទៅភូមិក្រចាប់ សង្កាត់ អូរតាវ៉ៅ ក្នុងទិសដៅពីជើងទៅត្បូង ។ លុះទៅដល់មុខវត្ដភ្នំរាំងចំណុចផ្លូវកោង បែកជា៣ ទំនងជាភ័យមិនដឹងបត់ទៅ ផ្លូវណាខណៈម៉ូតូកំពុងលឿនក៏ជ្រុលទៅ បុកគំរបលូបណ្ដាលឱ្យដួលបាក់ជើងម្ខាង តែម្ដង ។
ប្រភពនៅកន្លែងកើតហេតុបានឱ្យ ដឹងដែរថា ករណីនេះពុំបណ្ដាលឱ្យមាន អ្នកដំណើររងគ្រោះនោះទេ ហើយជនរង គ្រោះឈ្មោះ តា កប ដែលទើបសន្សំ លុយទិញម៉ូតូរៀនជិះចៃដន្យគ្រោះថ្នាក់ របួសបាក់ជើងនិងរលាត់ដៃ, ទ្រូង ត្រូវ បានអ្នកភូមិនៅកន្លែងកើតហេតុនាំគ្នា ដឹកទៅកាន់មន្ទីរពេទ្យបង្អែកខេត្ដប៉ៃលិន ដើម្បីព្យាបាលរបួស ។
អ្នកឃើញហេតុការណ៍បាននិយាយថា ជនរងគ្រោះនៅពេលដួលម៉ូតូសំណាង ដែលមិនមានរថយន្ដមកពីក្រោយបើមិន ដូច្នេះទេម្ល៉េះត្រូវរថយន្ដបុកកិនស្លាប់មិន ខាន ។ នេះជាមេរៀនមួយប្រាប់ទៅដល់ បងប្អូនប្រជាពលរដ្ឋមួយចំនួនដែលមិន ចេះបើកបរយាន្ដយន្ដ យាន្ដជំនិះគ្រប់ ប្រភេទបើមិនចេះបើកបរឬក៏រៀនបើក បរត្រូវចូលសាលារៀនបើកបរ ។ ការ ចូលរៀននៅសាលាបើកបរបានត្រឹមត្រូវ មិនត្រឹមតែបញ្ជៀសការគ្រោះថ្នាក់ដល់ខ្លួននិងអ្នកដ៏ទៃប៉ុណ្ណោះទេ តែវាធ្វើឱ្យ យើងចេះបច្ចេកទេសនិងបទពិសោធ បើកបរស្ទាត់ជំនាញថែមទៀត ៕
ដោយ៖ ស សារ៉េត
