ខេត្ដប៉ៃលិន៖ ស្ដ្រីម្នាក់ត្រូវប្ដីវាយ និងដែកជ្រុងឱ្យសន្លប់ត្រូវបានក្រុមគ្រួសារ ដឹងបញ្ជូនទៅសង្គ្រោះនៅមន្ទីរពេទ្យ បង្អែកខេត្ដប៉ៃលិនគ្រាដែលលោកប្ដីមក ពីផឹកស៊ីយប់ជ្រៅមិនឃើញប្រពន្ធ ។
អំពើហិង្សាពីសំណាក់ប្ដីលើប្រពន្ធនេះ បានកើតឡើងកាលពីវេលាម៉ោង១២និង ៣០នាទីរំលងអធ្រាតថ្ងៃទី៥ ខែវិច្ឆិកា ឆ្នាំ២០១៥ នៅភូមិអូតាប្រាំង សង្កាត់- ក្រុង-ខេត្ដប៉ៃលិន ។
បើតាមអ្នកភូមិឱ្យដឹងថា ស្ដ្រីរង គ្រោះត្រូវប្ដីវាយឱ្យសន្លប់ឈ្មោះ សាត ធីតា អាយុ៣៤ឆ្នាំ មុខរបរលាងចាននៅ ហាងគុយទាវម្ដុំផ្សារប៉ាហ៊ី ។ រីឯប្ដីឈ្មោះ ម៉ម ហ៊ាន អាយុ៣៣ឆ្នាំ មានមុខរបរ កម្មករស៊ីឈ្នួលកាប់ជ្រូក រស់នៅភូមិ-សង្កាត់កើតហេតុ ។
ប្រភពនៅកន្លែងកើតហេតុបានឱ្យដឹង ថា ក្រោយពីប្ដីវាយទៅលើប្រពន្ធឱ្យ សន្លប់និងរបួសជាច្រើនកន្លែងហើយនោះ ក៏បានទាញម៉ូតូជិះគេចខ្លួនបាត់ ហើយ មកដល់ព្រឹកថ្ងៃទី៦ ខែវិច្ឆិកា ឆ្នាំ២០១៥ ក្រុមគ្រួសារស្ដ្រីរងគ្រោះ សាត ធីតា បានទៅដាក់ពាក្យបណ្ដឹងនៅទីបញ្ជាការ កងរាជអាវុធហត្ថខេត្ដប៉ៃលិនដើម្បីឱ្យ តាមចាប់ប្ដីមកផ្ដន្ទាទោសតាមច្បាប់ ។
នៅក្នុងមន្ទីរពេទ្យ ក្រោកពីសន្លប់ស្ដ្រី រងគ្រោះឈ្មោះ សាត ធីតា បានប្រាប់ឱ្យ ដឹងថា មុនពេលកើតហេតុរូបគាត់ (សាត ធីតា) បានទៅមើលប្អូនស្រីថ្លៃ របស់ប្ដីឆ្លងទន្លេរទើបនិងចេញពីមន្ទីរ ពេទ្យ ។ នៅពេលដែលគាត់ធ្វើដំណើរត្រ ឡប់មកដល់ផ្ទះស្រាប់តែប្ដីផ្ទុះកំហឹងរក រឿងវាយមកលើរូបគាត់ដោយគ្មានសួរ នាំខណៈប្ដីស្រវឹងស្រានិយាយមិនដឹងទិស តំបន់ ។
បច្ចុប្បន្នស្ដ្រីរងគ្រោះស្ដិតនៅសម្រាក ព្យាបាលរបួសហើយសមត្ថកិច្ចបាននឹង កំពុងស្រាវជ្រាវតាមចាប់ខ្លួនជនបង្ក របួសលើប្រពន្ធដើម្បីចាប់ខ្លួនចាត់ការ តាមច្បាប់ ៕
ដោយ៖ ស សារ៉េត
