ភ្នំពេញ៖ អគ្គីភ័យឆេះផ្ទះលក់សម្ភារៈសំណង់យីហោ លី ដេគ័រ បង្កការណ៍ភ្ញាក់ផ្អើលដល់ប្រជាពលរដ្ឋនិងកម្លាំងសមត្ថកិច្ចទាំងកណ្ដាលអធ្រាត ។ ហេតុការណ៍អគ្គិភ័យនេះបានកើតឡើងកាលពីវេលាម៉ោង០២និង៣០នាទីយប់ ថ្ងៃទី១៥ ខែវិច្ឆិកា ឆ្នាំ២០១៥នៅចំណុចខាងជើងមជ្ឍមណ្ឌលម៉ុងឌីយ៉ាល់ផ្ទះលេខ៣១៩AB ផ្លូវម៉ៅសេងទុង សង្កាត់ផ្សារដេរប៉ូ១ ខណ្ឌទួលគោក ប្រើប្រាស់រថយន្តពន្លត់អគ្គីភ័យសរុប៨គ្រឿង ។
ប្រភពបានឲ្យដឹងទៀតថា អគ្គិភ័យនេះមិនបណ្ដាលមកពីទុស្សេចរន្តអគ្គិសនី និងមិនបណ្ដាលឲ្យមនុស្សណារងរបួសនោះទេ ប៉ុន្តែបានបណ្ដាលឲ្យខូចខាតសម្ភារស្ទើរតែទាំងស្រុង ។
ប្រភពពត័មានពីកន្លែងកើតហេតុបានប្រាប់អោយដឹងថា នៅមុនពេលកើតហេតុ គេឃើញមានផ្សែងហុយៗពីខាងក្រោយផ្ទះលក់សម្ភារៈសំណង់ខាងលើ និងអមដោយអណ្តាតភ្លើងបានបង្កអោយភ្ញាក់ផ្អើលដល់ប្រជាពលរដ្ឋ ហើយបានទំនាក់ទំនងទៅនរគបាលមូលដ្ឋានហៅរថយន្តពន្លត់អគ្គិភ័យមកបាញ់ពន្លត់និងមានបំពង់ពន្លត់ភ្លើងមួយចំនួនទៀតផងភ្លាមៗនោះប្រជាពលរដ្ឋបានមកជួយបាញ់ពេលភ្លើងកំពុងឆាបឆេះខ្លាំងដោយប្រើប្រាស់អស់១០បំពង់ជាងទើបរថយន្តពន្លត់អគ្គិភ័យក៏បានមកដល់ ។
សូមបញ្ជាក់ផងដែរក្នុងប្រតិបត្តិការពន្លត់អគ្គីភ័យនេះផងដែរមានការចូលរួមពីលោក ប៉ាង លីដា អភិបាលរងនៃគណៈអភិបាលខណ្ឌទួលគោក និង លោក សុឹម ពិសិដ្ឋ អធិការងនៃអធិការដ្ឋាននរគបាលខណ្ឌទួលគោក ព្រមទាំងកងកម្លាំងកងរាជអាវុធហត្ថខណ្ឌទួលគោក កម្លាំងប្រជាការពារសាលាខណ្ឌទួលគោកនិងប្រជាពលរដ្ឋមួយចំនួន។ ដោយប្រើប្រាស់ឡានទឹកអស់ចំនួន៨គ្រឿងនិងបំពង់ពន្លត់ភ្លើងមួយចំនួនរហូតដល់ម៉ោង៣និង៤០នាទីទើបអគ្គិភ័យរលត់ទាំងស្រុង ។
ក្រោយពេលកម្លាំងចម្រុះបានពន្លត់អគ្គិភ័យរលត់ទាំងស្រុងកម្លាំងជំនាញបានបញ្ជាក់ថាអគ្គីភ័យដែលបានឆាបឆេះបំផ្លាញសម្ភារៈមួយចំនួននេះ មូលហេតុបណ្តាលមកពីឆ្លងចរន្តអគ្គីសនីពីខាងក្រោយផ្ទះ ៕
