ភ្នំពេញ៖ កាលពីម៉ោង ១០ ព្រឹក ថ្ងៃទី១៦ វិច្ឆិកា ឆ្នាំ២០១៥ សម្តេចតេជោ ហ៊ុន សែន បានអញ្ជើញចូលរួមរំលែកទុក្ខជាមួយរដ្ឋាភិបាល និងប្រជាពលរដ្ឋបារាំង ដែលទទួលរងគ្រោះដោយអំពើភេរវកម្ម នៅទីក្រុងប៉ារីស កាលពីថ្ងៃសុក្រ ទី១៣ ខែវិច្ឆិកា ឆ្នាំ២០១៥ ។
ក្នុងពេលដាក់កម្រងផ្កា និងគោរពវិញ្ញាណក្ខន្ធអ្នកស្លាប់ទាំងនោះ នៅស្ថានទូតបារាំង ប្រចាំកម្ពុជា សម្តេចហ៊ុនសែន បានប្រកាសថា អំពើភេរវកម្មនោះ គឺជាអំពើឧក្រិដ្ឋកម្មប្រឆាំងនឹងមនុស្សជាតិ ដែលត្រូវតែទប់ស្កាត់។
សម្តេចហ៊ុនសែន បានលើកឡើងថា “អំពើភេវកម្មសម្លាប់មនុស្សអស់ ១២៩ នាក់ និងរបួសជាង ៣០០ នាក់ គឺជាអំពើឧក្រិដ្ឋកម្ម មិនមែនតែសម្រាប់ពលរដ្ឋបារាំងទេ ប៉ុន្តែជាអំពើឧក្រិដ្ឋកម្មប្រឆាំងនឹងមនុស្សជាតិទូទៅ ដែលត្រូវតែទប់ស្កាត់អោយបាន ៕
