ខេត្ដព្រះសីហនុ៖ លោកយាយវ័យ ៦០ឆ្នាំនាំចៅស្រី២នាក់ទៅរាយមងយក មកធ្វើហ្ហូប អកុសលចៅស្រីរអិលជើង ធ្លាក់ទឹកជ្រៅហើយក៏ចុះទៅជួយគ្នា បណ្ដាលឱ្យលង់ស្លាប់ទាំង៣នាក់តែម្ដង។
ករណីខាងលើនេះបានកើតឡើងនៅវេលា ម៉ោង២រសៀលថ្ងៃទី១៥ ខែវិច្ឆិកា ឆ្នាំ ២០១៥ នៅក្នុងចម្ការធុរ៉េន ស្ថិតក្នុង ភូមិអូរជ្រៅ ឃុំបឹងព្រាវ ស្រុកស្រែ អំបិល ខេត្ដកោះកុង(ព្រំប្រទល់់ខេត្ដព្រះ សីហនុ)។
លោក ហួត ចាន់ធី អធិការស្រុក កំពង់សិលា បានឱ្យដឹងថា ជនរងគ្រោះ នៅក្នុងករណីលង់ទឹកស្លាប់ខាងលើនេះទី ១-ឈ្មោះ ហង្ស ឃីម ភេទស្រី អាយុ៦០ ឆ្នាំ(យាយ), ទី២-ឈ្មោះ ពៅ សារីម ភេទស្រី អាយុ១៩ឆ្នាំ(ចៅ) និងទី៣- ឈ្មោះ ខុម រីណា ភេទស្រី អាយុ៨ឆ្នាំ អ្នក ទាំង៣មានទីលំនៅភូមិស្ទឹងឆាយខាង ជើង ឃុំស្ទឹងឆាយ ស្រុកកំពង់សិលា ខេត្ដ ព្រះសីហនុ។
លោកអធិការបានឱ្យដឹងទៀតថា បើ តាមការសន្និដ្ឋាននិងផ្អែកតាមការបំភ្លឺ ពីក្រុមគ្រួសារជនរងគ្រោះឱ្យដឹងថា មុនពេលកើតហេតុជនរងគ្រោះបាននាំ គ្នាទៅរកត្រីនៅក្នុងបឹងមួយជិតចម្ការ ផ្លែធុរ៉េន ។ ពេលនោះជនរងគ្រោះដែល ជាយាយទំនងជាឱ្យចៅស្រីអាយុ១៩ឆ្នាំ កាន់ចុងមងម្ខាងហើយរូបគាត់ទាញរាយចុងមងទៅម្ខាងហើយទុកចៅស្រីអាយុ ៨ឆ្នាំនៅលេងក្បែរមាត់បឹងប្រហែលជា រអិលជើងធ្លាក់ទឹក។ ឃើញដូច្នេះចៅ ស្រីអាយុ១៩ឆ្នាំបានលោតចុះទៅជួយក៏ លង់ទាំង២នាក់ គ្រានោះជនរងគ្រោះ ដែលជាយាយបានចុះទៅជួយម្នាក់ទៀត ទើបបណ្ដាលឱ្យលង់ស្លាប់ទាំង៣នាក់តែ ម្ដង។
តាមប្រភពបានឱ្យដឹងថា សាកសព ជនរងគ្រោះទាំង៣នាក់ត្រូវបានក្រុម គ្រួសារតាមរកឃើញខណៈបាត់យូរមិន ឃើញវិលត្រឡប់មកផ្ទះវិញ។ សាកសពជនរងគ្រោះត្រូវបានក្រុម គ្រួសារដឹកបញ្ជូនមករៀបចំចាត់ចែង ធ្វើបុណ្យតាមប្រពៃណីនៅគេហដ្ឋាន ៕
ដោយ៖ ឆ្លាមសមុទ្រ
