ភ្នំពេញ៖ ប្រជាពលរដ្ឋចំនួនជាង50នាក់តំណាងអោយពីរគ្រួសារបានលើកគ្នាមកតវ៉ាជាមួយក្រុមហ៊ុនអូតែលសុខា និងសាលាក្រុងបានយកគ្រឿងសំណងមកសាងសង់របងតែត្រូវម្ចាស់ដីទាំងពីរគ្រួសារធ្វើការដុតកង់ឡានរារាំងមិនអោយសាងសង់ហើយខាងក្រុមហ៊ុនបានដកសំភារៈចេញភ្លាមៗទៅវិញដែរ ដោយរងចាំឡើងតុលាការនៅថ្ងៃទី17 ខែវិច្ឆកា ឆ្នាំ2015 រងចាំដោះស្រាយគ្នានៅតុលារួចចាំខាងក្រុមហ៊ុនមកសាងសង់វិញ ពីព្រោះមិនទាន់ដោះស្រាយអោយពួកគាត់រួចផង បែរជាខាងក្រុមហ៊ុនអូតែលសុខាមកធ្វើរបងបែបនេះទៅវិញទើបពួកគាត់ធ្វើការតវ៉ាបែបនេះ។
ហេតុការណ៍ផ្ញាក់ផ្អើលនោះបានកើតឡើងកាលពីម៉ោងជិត៩ព្រឹកថ្ងៃទី16 ខែវិច្ឆការឆ្នាំ2015 នៅស្ថិតតាមបណ្តោយផ្លូវទន្លេសាបចំណុចដីឡូមួយកន្លែងក្រុមទី8ភូមិទី1ខណ្ឌជ្រោយចង្វា។
ក្រោយពេលមានការតវ៉ាពីប្រជាពលរដ្ឋគេឃើញលោក ហ៊ុយ សារ៉ុន លោកអភិបាលរងខណ្ឌជ្រោយចង្វា បានចុះទៅកន្លែងកើតហេតុបានបញ្ឈប់ការតវ៉ាដោយបានអះអាងថាដីចំនួនពីគ្រួសារខាងបានកាន់កាប់តាំងពីឆ្នា1979 មកម្ល៉េះ ថែមទាំងលិខិតកាន់កាប់ស្របច្បាប់ទៀតផងទើបលោកអភិបាលរងគាត់បានអោយខាងក្រុមហ៊ុនសុខាបញ្ឈប់ដសិនដោយរងចាំឡើងតុលាការនៅថ្ងៃស្អែក។
ម្ចាស់ដីទី1មានឈ្មោះនាង សាឡី ភេទស្រីអាយុ74ឆ្នាំ មានមុខរបនៅផ្ទះនៅភូមិកើតហេតុខាងលើហើយមានដីចំនួន 4051ម៉ែត្រការ៉េនិងម្ចាស់ទី2មានឈ្មោះ នាងលន ភេទប្រុសអាយុ62ឆ្នាំមានមុខរបនៅផ្ទះមានទីលំនៅកើតហេតុមានដីនួន1900ម៉ែត្រការ៉េដោយពួកគាត់ទាំងពីរគ្រួសារលក់ទៅអោយក្រុមហ៊ុនអូតែលសុខា ក្នុងតំលៃ1ម៉ែត្រកូរ៉េ500ដុលារទើបពួកគាត់ព្រមលក់ តែខាងក្រុមហ៊ុនបានមកព្យាយាមចចាជាមួយខាងម្ចាស់ដីអោយ1ម៉ែត្រការ៉េ 100ដុល្លារទើបពួកគាត់មិនព្រមលក់។
គួរបញ្ជាក់ថា ទំនាស់ដីធ្លីខាងនេះកើតឡើងតាំងពីឆ្នាំ២០០០ ពោលគឺតាំងពីសម័យលោកជា សុផារ៉ា នៅជាអភិបាលក្រុងមកម្ល៉េះ ហើយរហូតមកដល់ពេលនេះនៅមិនទាន់ដោះស្រាយចប់នៅឡើយ ៕
ដោយ៖ ជ្រោយពេជ្រ
