បារាំងបានបើកការវាយប្រហារជាទ្រង់ ទ្រាយធំទៅលើទីតាំងរបស់ក្រុមអ៊ិ៍ស្លាម បង្កើតរដ្ឋនៅទីក្រុងRaqqa ប្រទេសស៊ីរី។ យន្ដហោះចម្បាំងបារាំងបានទម្លាក់គ្រាប់បែកជាង២០គ្រាប់ទៅលើទីតាំងរបស់ ក្រុម IS ជាការសងសឹកទៅលើសកម្ម ភាពវាយប្រហារភេរវកម្មនៅទីក្រុងប៉ារីស បណ្ដាលឱ្យមានអ្នកស្លាប់និងរបួសជាង៣០០នាក់ ។
កម្លាំងទាហានបារាំងបានបញ្ជូនយន្ដ ហោះចម្បាំង១២គ្រឿងក្នុងនោះមាន១០គ្រឿងចេញមកពីប្រទេសហ្ស៊កដង ទៅ វាយប្រហារទៅលើគោលដៅនៅក្នុង ប្រទេសស៊ីរី។ យន្ដហោះទាំងនោះបាន ទម្លាក់គ្រាប់បែកយ៉ាងតិច២០គ្រាប់ទៅលើទីតាំងរបស់ក្រុម IS ។
ការវាយប្រហារខាងលើកើតឡើង ក្រោយពេលទីក្រុងប៉ារីសរងការវាយ ប្រហារភេរវកម្មសម្លាប់មនុស្សយ៉ាង តិច១២៩នាក់និងរងរបួសរាប់រយនាក់ ។ ការវាយប្រហារខាងលើជាការវាយ ប្រហារទ្រង់ទ្រាយធំបំផុតក្នុងប្រវត្ដិសាស្ដ្រ មិនធ្លាប់មានចាប់តាំងពីសង្គ្រាមលោកលើកទីពីរ ។
ប៉ូលិសបារាំងប្រកាសបង្ហាញអត្ដ សញ្ញាណជនសង្ស័យថ្មីមួយទៀតដែលនៅ មានជីវិតនិងកំពុងរត់គេចខ្លួនដែលជាប់ពាក់ព័ន្ធនឹងករណីការវាយប្រហារភេរវកម្មកណ្ដាលទីក្រុងប៉ារីសកាលពីថ្ងៃសុក្រកន្លងទៅនេះដែលបណ្ដាលឱ្យមានមនុស្ស ស្លាប់១៣២នាក់ នេះបើយោងតាមការ ចុះផ្សាយរបស់សារព័ត៌មាន BBC ចេញផ្សាយនៅថ្ងៃចន្ទទី១៦ ខែវិច្ឆិកា។
បុរសដែលជាជនសង្ស័យនោះមាន ឈ្មោះថា Salah Abdeslam អាយុ ២៦ឆ្នាំត្រូវបានប៉ូលិសបញ្ជាក់ថា ជា បុគ្គលដែលមានគ្រោះថ្នាក់ដូច្នេះសូម ពលរដ្ឋទាំងអស់មានការប្រុងប្រយ័ត្ន ហើយបើសិនជាឃើញសូមរាយការណ៍ ជាបន្ទាន់ ៕
ប្រែសម្រួល៖ ម៉ែវ សាធី
