ភ្នំពេញ៖ ស្ត្រី​វ័យក្មេងម្នាក់ត្រូវបានកម្លាំងសមត្ថកិច្ច ខណ្ឌពោធិសែនជ័យចាប់ឃាត់ខ្លួនបានភ្លាមៗកាលពីវេលាម៉ោង៦និង៣០នាទីល្ងាចថ្ងៃទី២៩ ខែវិច្ឆិកា ឆ្នាំ​២០១៥នៅក្នុងផ្សារទួលពង្រ ស្ថិតក្នុងសង្កាត់ចោមចៅ ខណ្ឌពោធិសែនជ័យ ។

បន្ទាប់ពីអាជីវករបានរាយការណ៌ប្រាប់សមត្ថកិច្ចថានៅវេលាម៉ោងកើតហេតុខាងលើដោយមានស្ត្រីវ័យក្មេងម្នាក់បានយកលុយដុល្លារក្លែងក្លាយក្រដាស100$ទៅដូរយកលុយរាយមកវិញបន្ទាប់ពីដូរបានហើយបំរុងនិងចាកចេញតែភ្លាមៗនោះខាងអាជីវករមានការសង្ស័យបានមើលលុយម្តងទៀតក៏បានហៅគ្នីគ្នាជាអាជីវករដូចគ្នាដែលលក់នៅក្នុុងផ្សារអោយជួយឃាត់ខ្លួនស្រ្តីសង្ស័យខាងលើ បន្ទាប់ពីឃាត់ខ្លួនបានក៏បានរាយការណ៌ជូនសមត្ថកិច្ចដើម្បីមកយកទៅសួរនាំ ។

ក្រោយពីឃាត់ខ្លួនស្រ្តីខាងលើ បានដកហូតនូវកាបូ​បស្ពាយមួយដោយក្នងកាបូបនោះមានឃើញលុយដុល្លារក្លែងក្លាយចំនួន7សន្លឹក(ស្មើ និង700ដុល្លារ)ដែលជាលុយនៅសល់ពីរដូរហើយ​និងខ្សែ ដៃ 1ខ្សែ ខ្សែចង្កេះ1ខ្សែជារបស់ក្លែងក្លាយ។ បន្ទាប់ពីឃាត់ស្រ្តីវ័យក្មេង និងដកហូតបានវត្ថុតាងរួចមកសមត្តកិច្ចកសាងសំណុំរឿងដើម្បីចាត់ការបន្តទៀត ៕

ដោយ៖ សុខា​ សែនជ័យ