ភ្នំពេញ៖ ផលដំណាំជាច្រើនមុខ បានចេញជាផ្លែផ្កា កើតចេញពីនិស្ស័យកូនកសិករ គឺ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន យកចិត្តទុកដាក់ដាំដុះដោយផ្ទាល់ដៃ នៅក្នុងបរិវេនដីលំនៅដ្ឋាន មានពោត ឪឡឹក ត្រសក់ ត្រឡាច ស្វាយ ជី បន្លែ ស្លឹកគ្រៃ។ល។
ក្នុងបរិវេនលំនៅដ្ឋានមិនត្រឹមតែមានដំណាំពណ៍ខៀវខ្ចីដេដាស់ប៉ុណ្ណោះទេ ការដាំដុះនេះក៏ជាលំហាត់ប្រាណមួយចំណែកដែលសម្តេចទាំងទ្វេបានឆ្លៀត ក្រោយពីសម្រាកការងាររឿងប្រទេសជាតិ និងប្រជាជន។
សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានមានប្រសាសន៍លើផេកផ្លូវការសម្តេចថា៖ ពាក្យចាស់ពោលថា(រពឹសដៃផ្ទៃឆ្អែត) ដែលចង់សំដៅអោយខំធ្វើការ ខំដាំដុះ។
សម្តេចបានក្រើនរំលឹកថា៖ មានដីគួរឆ្លៀតដាំមុខដំណាំដើម្បីទទួលផលសម្រាប់ក្រុមគ្រួសារយើង។ ដីតូចដាំ ជី បន្លែ ស្លឹកគ្រៃ។ល។ ដីធំគួរជ្រើសមុខដំណាំដែលយើងត្រូវការជាប្រចាំយកមកដាំដើម្បីកុំអោយពិបាកដើររកទិញគេនូវផលដំណាំដែលយើងអាចដាំបាន។
សម្តេចមានប្រសាសន៍ថា៖ ថ្ងៃនេះខ្ញុំនិងភរិយាបង្ហាញនូវការប្រមូលផល
ដើមរដូវនូវមុខដំណាំចំនួនបីមុខក្នុងចំណោមដំណាំរាប់សិបមុខដែលភរិយាខ្ញុំដាំជុំវិញផ្ទះខ្ញុំ៕
ដោយ៖ សុខ ខេមរា
