កំពង់ធំ៖ ហេតុការណ៍គ្រោះថ្នាក់ចរចរណ៍ដ៏រន្ធត់មួយបានកើតឡើងនៅលើផ្លូវជាតិលខ៦ត្រង់ចំណុចភូមិសាលារៀនសន្ទុក ឃុំកកោះ ស្រុកសន្ទុក ខេត្តកំពង់ធំ បណ្ដាលអោយមនុស្សស្លាប់២នាក់និងរងរបួសធ្ងន់៣នាក់ត្រូវបានរថយន្ដសាម៉ុយដឹកយកទៅសង្គ្រោះជាបន្ទាន់នៅមន្ទីរពេទ្យហេតុការណ៍នេះកើតឡើងនៅវេលាម៉ោង១៨នឹង៤០នាទីថ្ងៃទី១៧ ខែធ្នូ ឆ្នាំ២០១៥រវាងម៉ូតូសេ១២៥និងសង់កូរេសេ១០០។
តាមសាក្សីឃើញហេតុការបានប្រាប់អោយដឹងថាម៉ូតូទាំង២គ្រឿងជិះបញ្ច្រាស់ទិសគ្នាស្រាប់តែមកដល់កន្លែងកើតហេតុក៍៏បុកគ្នាពេញទំហឹងតែម្ដងដោយម៉ូតូសេ១២៥ពណ៍ខ្មៅពាក់ស្លាកលេខកំពង់ធំ1Q7709បើកបរដោយឈ្មោះជាសារ៉េត ភេទប្រុស អាយុ២៣ឆ្នាំ រស់នៅភូមិស្លាកែត ឃុំព្រៃតាហ៊ូ ក្រុងស្ទឹងសែន ខេត្តកំពងធំរបួសធ្ងន់បានជិះឌុបគ្នាជាមួយឈ្មោះ មាសថានហៅញាញ់ ភេទប្រុស អាយុ២៧ឆ្នាំ រស់នៅភូមិថ្មគោលឃុំ ព្រៃតាហ៑ូ ក្រុងស្ទងសែនខេត្តកំពង់ធំបានស្លាប់។
រីឯម្ខាងទៀតជិះម៉ូតូម៉ាកសង់កូរ៉េ សេ១០០ពណ៍ក្រហមស្លាកលេខដ4245ជិះគ្នា៣នាក់ឪពុកម្ដាយនិងកូនបើកបរដោយឈ្មោះ យូ វឌ្ឍនា ភេទប្រុស អាយុ៤៦ឆ្នាំ បានឌុបប្រពន្ធឈ្មោះថៃ សុគន្ធា អាយុ៣១ឆ្នាំ និងកូន រស់នៅភូមិស្ដុកស្ដម ឃុំជ្រាប ស្រុកសន្ទុក ខេត្តកំពង់ធំទាំងពីរនាក់ប្ដីប្រពន្ធរងរបួសធ្ងន់ដឹកយកទៅសង្រ្គោះនៅមន្ទីពេទ្យ ។ រីឯកូនអាយុ៦ឆ្នាំឈ្មោះយូ វឌ្ឍនៈ បានស្លាប់ក្រោយកើតហេតុសមត្ថកិច្ចចរាចរណ៍ស្រុកសន្ទុកចុះធ្វើការវាស់វែងហើយប្រគល់សាកសពទៅអោយសាច់ញាតិយកទៅធ្វើបុណ្យតាមប្រពៃណីរៀងៗខ្លួន។ ចំណែកម៉ូតូទាំង២គ្រឿងត្រូវបានសមត្ថកិច្ចយកមករក្សារទុកនៅអធិការដ្ឋាននគរបាលស្រុកសន្ទុករងចាំដោះស្រាយគ្នាតាមច្បាប់៕ប៊ុន រិទ្ធី