ខេត្តពោធិសាត់៖ កម្លាំងសមត្តកិច្ចស្រុកក្រគរ ព័ទ្ធចាប់ចោរលួចសត្វក្របីប្រជាពលរដ្ឋ២នាក់ ខណៈពួកគេបានដឹកតាមរថយន្តនៅពេលយប់ក្នុងគោលបំណងបម្លាស់ទីតាំង ។

ប្រតិបត្តិការណ៍សមត្តកិច្ចព័ទ្ធចាប់ជនសង្ស័យលួចក្របីអ្នកស្រុករួមទាំងវត្ថុតាងខាងលើប្រព្រឹត្តឡើងកាលពីវេលាម៉ោង១៥និង៣០នាទី ថ្ងៃទី៣០ ខែឆ្នូ ឆ្នាំ២០១៥ត្រង់ចំណុចអណ្ដូងតាហែន ស្ថិតក្នុងកំរ៉ែង ឃុំស្វាយស ស្រុកក្រគរ ខេត្តពោធិ៍សាត់ ។

លោកវរៈសេនីយត្រីយ៍ ឯម រុន អធិការនគរបាលស្រុកក្រគរបានឱ្យដឹងថាជនសង្ស័យដែលត្រូវកម្លាំងព័ទ្ធចាប់បានទី១-ឈ្មោះ ម៉ាន កៃ ភេទប្រុស អាយុ៣១ឆ្នាំ(ឥស្លាម) រស់នៅភូមិត្នោត ឃុំរំលេច ស្រុកបាកាន ខេត្តពោធិ៍សាត់ ទី២-ឈ្មោះ ស៊ុន ភាព ភេទប្រុសអាយុ២៨ឆ្នាំ រស់នៅភូមិស្វាយស ឃុំស្នាអន្សា ស្រុកក្រគរ ខេត្តពោធិ៍សាត់។ លោកវរៈសេនីយ៍ត្រីបន្តថាការចាប់ខ្លួនជនសង្ស័យ២នាក់រួមទាំងវត្ថុតាង ក្នុងចំណោមបក្ខពួកម្នាក់ទៀតរត់គេចខ្លួនខណៈពួកគេនាំគ្នាដឹកសត្វក្របីចំនួន ២ក្បាលតាមរថយន្តម៉ាក (គា) ពណ៍ខៀវពាក់ស្លាកលេខភ្នំពេញ 2H-1083 ។ ហើយសត្វក្របីខាងលើនេះពួកគេលួចបានហើយដឹកជញ្ជូ​ន​ខាងលើនេះគឺពួកគេលួចយប់មុនកើតហេតុបន្តិច នៅភូមិកណ្ដាល ឃុំឈើតុំ ស្រុកក្រគរ។ ម្ចាស់ឈ្មោះ គួ ឃឿន ភេទស្រី មានទីលំនៅភូមិ.ឃុំកន្លែងចោរលួចក្របី ។

លោកអធិការបន្តទៀតថា វត្ថុតាងសត្វក្របីបានប្រគល់ឱ្យម្ចាស់វិញដោយឡែករថយន្តរក្សាទុកនៅអធិកាដ្ឋាននគរបាលស្រុកក្រគរ ហើយជនសង្ស័យសមត្តកិច្ចរបស់លោកកំពុងកសាងឯកសារបញ្ជូនខ្លួនពួកគេនៅស្នងការដ្ឋាននគរបាលខេត្តពោធិ៍សាតដើម្បីបន្តតាមនិតិវិធី ៕

ដោយ៖ បឹុម ពិន