ភ្នំពេញ៖ បុរស២នាក់បានរងរបួសធ្ងន់ខណៈជិះម៉ូតូឌុបគ្នាហើយក៍ជ្រុលទៅបុកនិងរថយន្តក្រុងដែលកំពុងបើកឆ្លងផ្លូវ ។ គ្រោះថ្នាក់ចរាចរណ៍នេះកើតឡើងនៅវេលាម៉ោង១៦និង១៥នាទីល្ងាចថ្ងៃទី០១មករា២០១៦នៅចំណុចផ្លូវ១០១១កែងផ្កូវ១៩៧៤ស្ថិតនៅក្រុម០៤ភូមិពោងពាយ សង្កាត់ភ្នំពេញថ្មី ខណ្ឌសែនសុខ ។

ជនរងគ្រោះទាំង២នាក់ទី១ ឈ្មោះសេង ឆកភេទប្រុសអាយុ១៨ឆ្នាំមុខរបរកម្មករស្នាក់នៅ ភូមិទួលទ្រា ឃុំស្វាយធំ ស្រុកស្វាយជ្រុំ ខេត្តស្វាយរៀង រងរបួសធ្ងន់។ ទី២ឈ្មោះវ៉ាត សុខន ភេទប្រុស អាយុ២៤ឆ្នាំមុខរបរកម្មករស្នាក់នៅភូមិដីថ្មី សង្កាត់ភ្នំពេញថ្មី ខណ្ឌសែនសុខ ។ ចំណែកអ្នកបើករថយន្តក្រុងឈ្មោះស្រៀង សុគន្ធ អាយុ៤៥ឆ្នាំមុខរបរបើកបរស្នាក់នៅភូមិសែនសុខ២សង្កាត់ឃ្មួញខណ្ឌសែនសុខ ។

ប្រភពបានប្រាប់ថាមុនកើតហេតុបានឃើញបុរសម្នាក់បើករថយន្តក្រុងពណ៏ស្វាយពាក់ស្លាកលេខភ្នំពេញ3A-9590ជារបស់ក្រុមហ៑ុនKSOបើកមកក្នុងទិសដៅពីត្បូងទៅជើងតាមផ្លូវ១០១១ខណះមកដល់ចំណុចខាងលើស្រាប់តែមានម៉ូតូមួយគ្រឿងម៉ាកសេ១០០សេរី២០០១ពណ៏ក្រហមពាក់ស្លាកលេខ យ-1510 ភព1 បើកឌុបគ្នាក្នុងទិសដៅពីកើតទៅលិចតាមក្នុងល្បឿនលឿនផ្លូវ១៩៧៤ខណះមកដល់ជាន់ហ្វ្រាំមិនទាន់ក៍បុកគ្នាបណ្តាលអោយម៉ូតូដួលចូលក្រោមក្បាលរថយន្តរងរបួសធ្ងន់ទាំង០២នាក់តែម្តង ។

ក្រោយកើតហេតុអ្នករបួសត្រូវបានរថយន្តសង្គ្រោះដឹកទីកាន់មន្ទីពេទ្យព្រះកុសុមះដើម្បីសង្គ្រោះដោយឡែករថយន្តក្រុងនិងម៉ូតូត្រវូបានសមត្ថកិច្ចយកទៅរក្សាទុកនៅការិយាល័យនគរបាលចរាចណ៍ជើងគោករាជធានីភ្នំពេញរងចាំដោះស្រាយពេលក្រោយ ៕

ដោយ៖ តុង សីហា