ភ្នំពេញ៖ តារាសម្តែងប្រុសវ័យក្មេង ផាត់ តាភូ កំពុងតែលេចធ្លោរខ្លាំងលើវិស័យសម្តែងក្រោយពីតារារូបនេះទទួលបានឱកាសថតភាពយន្តខ្នាតធំ និងភាពយន្តភាគជាច្រើនបន្តបន្ទាប់។ ក្រោយពីភាពលេចធ្លោរលើការសម្តែងតារារូបនេះបានបញ្ចេញស្នាដៃបទចម្រៀងថ្មីOriginal Song ថ្មីមួយដើម្បីបំពេញចិត្តអ្នកគាំទ្រ។
​ចាប់ផ្តើមប្រឡូក្នុងអាជីពសម្តែងក្នុងរយៈពេលខ្លីប៉ុណ្ណោះ ផាត់ តាភូ ក្តោបានឱកាសការងារជាច្រើនបន្តបន្ទាប់ពិសេសក្នុងភាពយន្ត មានដូចជារឿង”បុប្ផាស្រុកស្រែ” រឿង “សុវណ្ណសាម” រឿង “មេអាក្រក់” រឿង”បាបខែភ្លឺ” និងមានភាពយន្តជីវិតបែបអប់រំ២រឿងផ្សេងទៀតដែលត្រៀមចាក់បញ្ចាំងក្នុងពេលដ៏ខ្លីខាងមុខនេះ។ តារាសម្តែងរូបនេះលើកឡើងថា មួយឆ្នាំចុងក្រោយនេះលោកទទួលបានការងារសិល្បៈច្រើន បន្ទាប់ពីផលិតករទទួលស្គាល់សមត្ថភាពទេពកោសលលោក។ លោកថាទោះបីជាមានការគាំត្រ និងពេញចិត្តខ្លាំងពីទស្សនិកជន និងផលិតករនានា ប៉ុន្តែលោកនៅបែបន្តព្យាយាមហ្វឹហាត់ និងបំពេញចន្លោះខ្វះខាតដើម្បីឲ្យការសម្តែងកាន់តែល្អប្រសើរ ពិសេសលោកតែងទទួលយកការជួយពន្យល់ណែនាំពីសិល្បកររៀមច្បងជានិច្ច។ តារាសម្តែងមកពីខេត្តកំពង់ធំរូបនេះលើកឡើងដែរថា បទចម្រៀងថ្មី”មនុស្សក្នុងបេះដូងបងគឺអូន” ជាបទចម្រៀងថ្មីដំបូងដែលលោកបានច្រៀងក្នុងផលិតកម្ម Gold ហើយត្រូវបានចេញផ្សាយ និងទទួលបានការពេញចិត្តខ្លាំងពីអ្នកគាំទ្រ។ លោកថា ជាស្នាដៃថ្មីបែបមនោសញ្ចេតនាស៊ីជម្រៅ ចាក់ចំបេះដូងអ្នកស្តាប់ពិសេសក្រុមយុវវ័យ ហើយជាបទចម្រៀងដែលលោកស្រលាញ់ពេញចិត្ត ។ លោកថាទទួលបានការពេញចិត្តខ្លាំងពីអ្នកគាំទ្រលើស្នាដៃនិពន្ធទំនុកច្រៀង និងបទភ្លេងថ្មីមួយនេះនឹងក្លាយជាកម្លាំងចិត្តថ្មីបន្ថែមទៀតសម្រាប់លោកក្នុងការងារសិល្បៈ។
​នៅមានការងារសិល្បៈថ្មីៗបន្តទៀតដែលលោកនឹងបង្ហាញទាំងស្នាដៃសម្តែងនិងបទចម្រៀង ពិសេសលោកនឹងតារាចម្រៀង និងតារាសម្តែងស្រីវ័យក្មេងមួយចំនួននឹងចាប់ដៃគ្នាច្រៀងរួមគ្នាដើម្បីបង្កើតរសជាតិថ្មីជូនអ្នកគាំទ្រ ដូចជាគ្រោងបញ្ចេញបទចម្រៀងរួមគ្នាជាមួយតារាសម្តែង និងចម្រៀង វ៉ាន់ វីតា និង កញ្ញា អាង សុជាតា ជាដើម។ លោករំពឹងដែរថានឹងទទួលបានការគាំទ្រថ្មីបន្ថែម អមដោយការរិះគន់ស្ថាបនាដើម្បីឲ្យស្នាដៃថ្មីៗរបស់លោកកាន់តែល្អប្រសើរ៕

ដោយ វឌ្ឍនា