ខេត្តក្រចេះ៖ រថយន្តធុនធំ១គ្រឿង ដែលដឹកផលិតផលតាំងពិពណ៌មកពីប្រទេសថៃ និងបើកដោយតៃកុងជនជាតិថៃទៀតនោះ ត្រូវបានសមត្ថកិច្ចឃាត់មករក្សាទុកនៅស្នងការដ្ឋាននគរបាលខេត្ត បន្ទាប់ពីបើកបុកបាក់បង្គោលស្លាកទេសចរណ៍ តាមដងផ្លូវមាត់ទន្លេ នៅចំណុចបឹងគីឡូ ក្រុងក្រចេះ កាលពីវេលាម៉ោង ៨ និង៤០នាទីព្រឹកថ្ងៃទី៥ ខែមករា ឆ្នាំ២០១៥។
សមត្ថកិច្ចឲ្យដឹងថា រថយន្តខាងលើ ស្លាកលេខថៃ បានដឹកទំនិញជាផលិតផលតាំងពិពណ៌ មកពីប្រទេសថៃ ទិសដៅពីត្បូងទៅជើង។ លុះមកដល់ចំណុចខាងលើ ជាផ្លូវបំបែក ក៏កាច់បត់ឆ្វេងមិនមើលស្លាកសញ្ញាហាមឃាត់ ក៏ទើសទំនិញខាងលើបុកបង្គោលស្លាកទេសចរណ៍ ខូចខាតយ៉ាងដំណំ។
ក្រោយកើតហេតុ តៃកុងរថយន្តយល់ព្រមឲ្យសមត្ថកិច្ចអន្តារាគមន៍នាំរថយន្តទៅរក្សាទុកបណ្ដោះអាសន្ននៅស្នងការនគរបាលខេត្តក្រចេះ ដើម្បីឲ្យម្ចាស់រថយន្តបង់សំណងជូនរដ្ឋ៕
ដោយ៖ សហការី
