ភ្នំពេញ៖ ជនសង្ស័យពីរនាក់ជិះម៉ូតូមួយគ្រឿងបានធ្វើសកម្មភាពឆក់ទូរស័ព្ទដៃពីនារីម្នាក់ខណៈកំពុងជិៈម៉ូតូបានសម្រេចរួចព្យាយាមបើកម៉ូតូរត់គេចខ្លួនត្រូវបានប្រជាពលរដ្ឋដេញចាប់បានប្រគល់ជូនសមត្ថកិច្ច។

ហេតុការនេះបានកើតឡើងកាលពីវេលាម៉ោង ១៩ និង ៤០នាទីថ្ងៃទី ៥ខែកុម្ភៈឆ្នាំ ២០២០ ស្ថិតនៅតាមបណ្តោយផ្លូវបេតុង កែងនឹងផ្លូវ ២០០៤ក្នុងសង្កាត់អូរបែកក្អមខណ្ឌសែនសុខ រាជធានីភ្នំពេញ។

ជនសង្ស័យទី១/មានឈ្មោះ សេក វុទ្ធី ភេទប្រុសអាយុ ២០ ឆ្នាំមុខរបរមិនពិតប្រាកដស្នាក់នៅភូមិទ្រា៤ សង្កាត់ស្ទឹងមានជ័យទី ៣ ខណ្ឌមានជ័យ រាជធានីភ្នំពេញ មានស្រុកកំណើត ឃុំស្តៅ ស្រុកកងមាស ខេត្តកំពង់ចាម។ទី២/  ព្រុំ សា អាយុ១៧ឆ្នាំ មុខរបរសំណង់ ស្នាក់នៅម្ដុំលូប្រាំងសង្កាត់ស្ទឹងមានជ័យទី ៣ ខណ្ឌមានជ័យ មានស្រុកកំណើត ស្រុករមាសហែកខេត្តស្វាយរៀង។

តាមចម្លើយសារភាពជនសង្ស័យទាំងពីរនាក់បានប្រាប់សមត្ថកិច្ចឲ្យដឹងថាមុនកើតហេតុរូបគេទាំងពីរបានខ្ចីម៉ូតូបងមួយគ្រឿងហុងដាwave s ពណ៌ខ្មៅលាយក្រហមពាក់ស្លាកលេខ1L-9611ដើម្បីជិះដើរលេងនិងក្លឹប ដោយធ្វើដំណើរទិសដៅពីជើងទៅត្បូងមកដល់ចំណុចកើតហេតុខាងលើរូបគេទាំងពីរនាក់ឃេីញនារីម្នាក់កំពុងជិះម៉ូតូម៉ាកឌ្រីមសង់មួយគ្រឿងមិនចាំស្លាកលេខដោយឱកាសល្អក៏បានធ្វើសកម្មភាពឆក់ទូរស័ព្ទដៃបានសម្រេចហើយបាននាំគ្នាជិះម៉ូតូរត់គេចខ្លួនតែត្រូវបានប្រជាពលរដ្ឋបានជិះម៉ូតូដេញតាមពីក្រោយធ្វើឲ្យរូបគេទាំងពីអ្នកភ័យស្លន់ស្លោបានយកទូរសព្ទដៃដែរឆក់បានបោះបាត់រួចជិះបន្តទៅដល់ចំណុចមុខផ្ទះសំណាក់ក្អមមាស តាមបណ្តោយផ្លូវបេតុង ភូមិអូរគីដេសង្កាត់អូរបែកក្អមខណ្ឌសែនសុខរូបគេបានជ្រុលចង្កូតទៅបុកម៉ូតូកង់បីមួយគ្រឿងទៀតបណ្ដាលឲ្យដួលរួចត្រូវបានប្រជាពលរដ្ឋធ្វើការឃាត់ខ្លួនប្រគល់ជូនសត្ថកិច្ចតែម្តង។

បច្ចុប្បន្នជនសង្ស័យទាំងពីរនាក់ត្រូវបានកម្លាំងសមត្ថកិច្ចបញ្ជូនខ្លួនមកសួរនាំបន្តនៅប៉ុស្តិ៍នគរបាលរដ្ឋបាលអូបែកក្អម រួចចបញ្ជូនបន្តទៅអធិការដ្ឋាននគរបាលខណ្ឌសែនសុខដើម្បីចាត់ការទៅតាមនីតិវិធីច្បាប់។ ចំណែកជនរងគ្រោះមិនបានមកដាក់ពាក្យបណ្ដឹងនោះទេ៕

ដោយ៖ សុខាសែនជ័យ