ខេត្តកំពង់ធំ៖ ស្ត្រីវ័យចំណាស់ម្នាក់កំពុងអង្គុយនៅលើអង្រឹងក្រោមផ្ទះម្នាក់ឯងសុខៗ ត្រូវជនសង្ស័យប្រេីដំបងឈើជ្រុងវាយចំក្បាលជាច្រើនដំបងបណ្ដាលស្លាប់នៅក្នុងថ្លុកឈាម កាលពីវេលាម៉ោង១៩ និង ៣០នាទីថ្ងៃទី០៦ ខែមីនា ឆ្នាំ២០២០ម្សិលមិញ នៅភូមិឈូករំដួល ឃុំទីពោ ស្រុកសន្ទុក ខេត្តកំពង់ធំ ។
ក្រោយកេីតករណីនេះ សមត្ថកិច្ចស្រាវជ្រាវកំណាត់អត្តសញ្ញាណ
ជនសង្ស័យម្នាក់ឈ្មោះ ធា ថាន់ ភេទប្រុស អាយុ ២៤ឆ្នាំ នៅភូមិឈូករំដួល ឃុំទីពោ ស្រុកសន្ទុក ខេត្តកំពង់ធំ។ ចំណែកជនរងគ្រោះ ឈ្មោះកយ វេន ភេទស្រី អាយុ ៦៧ឆ្នាំ នៅភូមិឈូករំដួល ឃុំទីពោ ស្រុកសន្ទុក ខេត្តកំពង់ធំ ។
តាមប្រភពព័ត៌មានអោយដឹងថា
នៅមុនពេលកេីតហេតុជនរងគ្រោះកំពុងអង្គុយនៅលើអង្រឹងក្រោមផ្ទះម្នាក់ឯង ស្រាប់តែជនសង្ស័យបានយកដំបងឈេី ជ្រុងវាយចំក្បាលជាច្រើនដំបងបណ្តាលឲ្យស្លាប់នៅកន្លែងកើតហេតុ ។ បន្ទាប់ពីធ្វើសកម្មភាពរួចជនសង្ស័យបានរត់គេចខ្លួនបាត់ ប៉ុន្តែបានស្គាល់អត្តសញ្ណាណដូចខាងលេី ។
សមត្ថកិច្ចបញ្ជាក់ថា ករណីនេះបាន កំណត់អត្តសញ្ញាណជនសង្ស័យហេីយ នឹងកំពុងតាមចាប់ខ្លួន ។ មូលហេតុបញ្ជាក់ជាបឋមថា កេីតឡេីងដោយសាររឿងគុំនំ ៕ ប៊ុនរិទ្ធី
