ភ្នំពេញ៖ កីឡាការិនីវ័យជាង៤០ឆ្នាំ ម្នាក់របស់កម្ពុជាកំពុងត្រៀមខ្លួនចូល រួមប្រកួតក្នុងព្រឹត្ដិការណ៍កីឡាអូឡាំពិក រដូវក្ដៅនៅទីក្រុង Rayo ប្រទេសប្រេស៊ីល នាខែសីហា ឆ្នាំ២០១៦ខាងមុខ បន្ទាប់ពី ជាប់ជម្រើសជាស្ដ្រីតែម្នាក់គត់ដែល អាចចូលរួមប្រកួតលើវិញ្ញាសារត់ម៉ារ៉ាតុងចម្ងាយ៤២គីឡូម៉ែត្របូក១៩៥ ម៉ែត្រ ។
កីឡាការិនី លី ណារី បានប្រាប់ក្រុម អ្នកសារព័ត៌មានកាលពីរសៀលថ្ងៃទី១២ ខែមករា ឆ្នាំ២០១៦ នៅទីស្នាក់ការគណៈ កម្មាធិការជាតិអូឡាំពិកកម្ពុជាយ៉ាង ដូច្នេះថា ខ្ញុំសប្បយរីករាយណាស់ដែល ត្រូវបានគណៈកម្មាធិការជាតិអូឡាំពិក កម្ពុជាជ្រើសរើសឱ្យហ្វឹកហាត់ត្រៀមខ្លួនសម្រាប់ចូលរួមប្រកួតព្រឹត្ដិការណ៍កីឡាអូឡាំពិកនៅទីក្រុង Rayo ប្រទេស ប្រេស៊ីលនាខែសីហា ឆ្នាំ២០១៦ខាងមុខ។
កីឡាការិនីវ័យជាង៤០ឆ្នាំរូបនេះបានឱ្យដឹងទៀតថា តាមពិតទៅខ្ញុំមានជំនាញ ខាងផ្នែកគីមីសាស្ដ្រហើយក៏បានរៀន ចប់បណ្ឌិតគីមីសាស្ដ្រផងដែរ ព្រមទាំង បានធ្វើការងារជួយដល់ក្មេងផ្ទុកមេរោគអេដស៍តាមរយៈការរត់ប្រណាំងប្រមូលមូលនិធិជួយពួកគេ ។
កីឡាការិនី លី ណារី បន្ដថា ខ្ញុំបាន ចាប់ផ្ដើមចូលរួមប្រឡូកក្នុងវិស័យកីឡាចាបតាំងពីឆ្នាំ២០០៦នៅខេត្ដសៀមរាប ក្នុងគោលបំណងប្រមូលមូលនិធិជួយ ក្មេងផ្ទុកមេរោគអេដស៍នៅកម្ពុជា ដោយ សារតែមានឧបនិស្ស័យពីកំណើតផង ដែរ ។
កីឡាការិនី លី ណារី បានបន្ដទៀតថា នៅពេលខ្ញុំទៅចុះឈ្មោះរត់នៅសហព័ន្ធ គេបានសួរខ្ញុំថា អ្នកឯងជនជាតិអ្វីដែរ? ខ្ញុំឆ្លើយថា ខ្ញុំជាជនជាតិខ្មែរ តែគេមិនជឿ ពីព្រោះគ្មានស្ដ្រីខ្មែរឯណារត់ចម្ងាយ២១គីឡូម៉ែត្រនោះទេ គឺមានតែជនបរទេស ប៉ុណ្ណោះ ប៉ុន្ដែនៅពេលចប់ការរត់ ប្រណាំងពាក់កណ្ដាលម៉ារ៉ាតុងចម្ងាយ ២១គីឡូម៉ែត្រខ្ញុំធ្វើបានសម្រេចក្នុងថិរ វេលា១ម៉ោងនិង៥៤នាទី ។
កីឡាការិនី លី ណារី បានត្រឡប់ទៅ ហ្វឹកហាត់នៅសហរដ្ឋអាមេរិកវិញ ស្របពេលដែលគាត់កំពុងបន្ដការសិក្សាយកបណ្ឌិតគីមីសាស្ដ្រ ។ អំឡុងក្នុងពេល សិស្សានោះកីឡាការិនី លី ណារី ក៏បាន ប្ដូរវិញ្ញាសារត់ចម្ងាយ២១គីឡូម៉ែត្រ ទៅ៤២គីឡូម៉ែត្របូក១៩៥ម៉ែត្រវិញ ហើយនៅឆ្នាំ២០០៩បានមកចូលរួម រត់ប្រណាំងម៉ារ៉ាតុងនៅទីក្រុងញូវយក សហរដ្ឋអាមេរិកដោយធ្វើបានសម្រេចក្នុងថិរវេលា៣ម៉ោងនិង៣៤នាទី ។
ថិរវេលាចុងក្រោយរបស់កីឡាការិនី លី ណារី ដែលបានចូលរួមប្រកួតរត់ ប្រណាំងចម្ងាយ៤២គីឡូម៉ែត្រក្នុងព្រឹត្ដិ ការណ៍ចក្រភពអង្គរនាទីក្រុងសៀមរាបកាលពីឆ្នាំ២០១៥កន្លងទៅគាត់ធ្វើបាន ក្នុងថិរវេលា២ម៉ោង៥៩នាទីនិង១២ វិនាទី ។ ដោយសារសិទ្ធផលរបស់កីឡា ការិនីរូបនេះធ្វើបានល្អជាងកីឡាការិនីកម្ពុជាដទៃៗទៀត NOCC ក៏សម្រេចឱ្យ កីឡាការិនី លី ណារី ហ្វឹកហាត់ត្រៀមទៅ ចូលរួមប្រកួតកីឡាអូឡាំពិកនៅប្រទេស ប្រេស៊ីល ។
លោកវ៉ាត់ ចំរើន អគ្គលេខាធិការ NOCC បានប្រកាសបង្ហាញមុខកីឡា ការិនី លី ណារី នៅក្នុងសន្និសីទសារព័ត៌ មានមួយស្ដីពី Cambodia Olympic Moves និងចុះអនុស្សរណៈយោគយល់ គ្នារវាងមន្ទីរអប់រំយុវជន និងកីឡារាជ ធានីភ្នំពេញនឹងក្រុមហ៊ុនកូកាកូឡា ដោយបង្ហាញជាសាធារណៈនូវវត្ដមាន កីឡាការិនី លី ណារី ជាស្ដ្រីខ្មែរដំបូងទៅ ចូលរួមប្រកួតកីឡាអូឡាំពិករដូវក្ដៅ នៅទីក្រុង Rayo ប្រទេសប្រេស៊ីលនូវ វិញ្ញាសារត់ម៉ារ៉ាតុងចម្ងាយ៤២គីឡូ ម៉ែត្របូក១៩៥ម៉ែត្រ ។
លោកបានបន្ដទៀតថា កីឡាការិនី លី ណារី គឺជាស្ដ្រីខ្មែរម្នាក់ជួយជំរុញឱ្យកូន ខ្មែរដទៃទៀតចូលលេងកីឡាដូចរូបគាត់ ដែរបើទោះបីគាត់មានវ័យជាង៤០ឆ្នាំ ហើយក៏ដោយ ប៉ុន្ដែគាត់នៅតែមាន ឆន្ទៈខ្ពស់បង្ហាញខ្លួននៅលើឆាកអន្ដរជាតិ។
កីឡាការិនីរូបនេះបានឱ្យដឹងដែរថា សិទ្ធផល២ម៉ោង៥៩នាទីនិង១២វិនាទី អាចរកមេដាយមាសនៅព្រឹត្ដិការណ៍ ស៊ីហ្គេមបាន ប៉ុន្ដែនៅអូឡាំពិកហ្គេម មិនសង្ឃឹមទេតែខ្ញុំនឹងព្យាយាមរត់ឱ្យ ដល់ទីកុំឱ្យដាច់ឆ្ងាយពីគេពេក ។ កីឡា ការិនីរូបនេះបានស្រង់សម្ដីលោក វ៉ាត់ ចំរើន ថា កាលពីស៊ីហ្គេមលើកទី២៨ នៅប្រទេសសិង្ហបុរីម្ចាស់មេដាយមាស ម៉ារ៉ាតុងមានថិរវេលា៣ម៉ោង៣នាទី ដូច្នេះខ្ញុំនឹងព្យាយាមដណ្ដើមយក មេដាយស៊ីហ្គេមលើកទី២៩នៅប្រទេសម៉ាឡេស៊ីនាឆ្នាំ២០១៧ខាងមុខប្រសិន បើខ្ញុំនៅតែរក្សាថិរវេលា២ម៉ោង៥៩ នាទីបានដដែលនោះ ៕
ដោយ៖ សារីម
