មន្ដ្រីក្រសួងការពារជាតិរុស្សីបានថ្លែង ថាផែនការរបស់ទីក្រុងវ៉ាស៊ីនតោនដាក់ពង្រាយរថក្រោះនិងកាំភ្លើងធុនធ្ងន់នៅ ប្រទេសជាសមាជិកអង្គការណាតូស្ថិត តាមបណ្ដោយព្រំដែនជាមួយរុស្ស៊ីនោះ ជាសកម្មភាពបង្ករឿងខ្លាំងក្លាជាទីបំផុត ដែលមិនធ្លាប់មានចាប់តាំងពីសង្គ្រាម ត្រជាក់មកហើយថា ទីក្រុងមូស្គូនឹងចាត់ វិធានការតទល់ពង្រឹងកម្លាំងរបស់ខ្លួន វិញដែរ។
អាមេរិកបានសម្រេចបំពាក់អាវុធដល់ កងកម្លាំងយោធាក្នុងទឹកដីសម្ពន្ធមិត្ដអឺរ៉ុប ភាគខាងកើតក្នុងសកម្មភាពមួយដើម្បីធានាដល់រដ្ឋាភិបាលប្រទេសសម្ពន្ធមិត្ដទាំងនោះដែលបានព្រួយបារម្ភពីជោគ វាសនារបស់ខ្លួនក្រោយការឈ្លានពាន បង្កជម្លោះកើតឡើងនៅក្នុងប្រទេសអ៊ុយក្រែន ។ ពួកគេព្រួយបារម្ភថា បន្ទាប់ពី បញ្ហានៅអ៊ុយក្រែនគឺពួកគេនេះហើយ ដែលជាគោលដៅបន្ទាប់របស់វិមានក្រឹម ឡាំងនោះ។
ប្រទេសប៉ូឡូញនិងបណ្ដារដ្ឋបាល់ទិក មន្ដ្រីទាំងឡាយនិយាថា ពួកគេមានការ ខកចិត្ដជាខ្លាំងចំពោះសម្ពន្ធមិត្ដណាតូដែល មិនបានធ្វើសកម្មភាពអ្វីសូម្បីតែបន្ដិច សោះប្រឆាំងទៅលើរុស្ស៊ី។ ពួកគេបាន គាំទ្រដល់អាមេរិកដែលមានផែនការ ចុងក្រោយនេះ។ ប៉ុន្ដែទោះបីយ៉ាងណា ប្រទេសនៅក្នុងតំបន់មានការព្រួយបារម្ភ ភ័យខ្លាចចំពោះទឹកដីរបស់ពួកគេអាច ធ្លាក់ចូលក្នុងទីលាននៃការប្រកួតប្រជែងរវាងរុស្ស៊ីនឹងអាមេរិក ។
មន្ដ្រីយោធាជាន់ខ្ពស់របស់ក្រសួងការ ពារជាតិរុស្ស៊ីមួយរូបឈ្មោះ Yuri Yakubov បានថ្លែងថា អាមេរិកបានបំពាក់សព្វា វុធដល់កងកម្លាំងយោធាដោយក្នុងនោះមានរថក្រោះកាំភ្លើងធំនិងអាវុធធុនធ្ងន់ដទៃផ្សេងទៀតដល់ប្រទេសក្នុងតំបន់អឺរ៉ុប ភាគខាងកើតនិងតំបន់បាល់ទិកដែលនេះជាសកម្មភាពមួយក្នុងការបោះជំហានឈ្លានពានរបស់មន្ទីរបង់តាហ្គូន និង ណាតូមិនធ្លាប់មានចាប់តាំងពីសង្គ្រាម ត្រជាក់ ៕
ប្រែសម្រួល៖ ម៉ែវ សាធី
