បើទោះបីមានអាយុជិត១០០ឆ្នាំទៅ ហើយក្ដីតែលោកយាយជនជាតិអាល្លឺម៉ង់ បានធ្វើឱ្យពលរដ្ឋជាច្រើនស្ងើចសរសើរ លោកយាយមិនដាច់ពីមាត់ ពិសេស ក្រោយពេលដែលលោកយាយបានលោត ហក់កាយសម្ព័ន្ធយ៉ាងល្អឥតខ្ជោះដែល ស្ដ្រីជាច្រើនមិនអាចធ្វើបាន។
លោកយាយ Johanna Quaas កើត នៅឆ្នាំ១៩២៥ជាអតីតកីឡាការិនីកាយសម្ព័ន្ធមួយរូបសញ្ជាតិជាតិអាល្លឺម៉ង់ ។ បើទោះបីមានអាយុចាស់ទៅហើយក្ដីតែលោកយាយនៅតែបង្ហាញទេពកោសល្យយ៉ាងល្អឥតខ្ជោះមិនចាញ់កីឡាការិនីវ័យក្មេងនោះឡើយពេលលោកយាយលោតហក់នៅទីលានកីឡា ។
ដោយកើតមកនៅក្នុងត្រកូលអ្នក កីឡា លោកយាយ Quaas បានក្លាយជា កីឡាការិនីជម្រើសជាតិតាំងពីវ័យក្មេងមកម្ល៉េះ។ នៅពេលដែលលោកយាយ មានវ័យទើបតែ១១ឆ្នាំ លោកយាយបាន ចូលរួមការប្រកួតកីឡាជាលើកដំបូង ហើយកីឡាមិនអាចខ្វះបាននៅក្នុងជីវិត របស់លោកយាយទាំងនោះបានធ្វើឱ្យ លោកយាយមានសុខភាពល្អរហូតមក ទល់ពេលនេះ ។
គួរបញ្ជាក់ផងដែរថា កាលពីឆ្នាំ ២០១២លោកយាយត្រូវបានគេកត់ត្រាចូលក្នុងសៀវភៅកំណត់ត្រាពិភពលោក ជាកីឡាការិនីដែលមានអាយុចាស់បំផុត ពេលនោះលោកយាយមានអាយុ៨៦ឆ្នាំ។ នៅក្នុងការប្រកួតពានរង្វាន់ពិភពលោក លោកយាយទទួលបានមេដាយមាសចំនួន ១១ក្នុងឆាកជីវិតកីឡាជាស្នាដៃដ៏ល្អឥត ខ្ជោះ ។
ការហាត់ប្រាណជារៀងរាល់ថ្ងៃ និង ពិសាអាហារទៀងទាត់ជួយឱ្យលោកយាយ អាចរក្សាបានកម្លាំងកាយសម្បទានៅ ដដែលបើទោះបីមានវ័យចាស់ទៅហើយ។ អ្នកដែលមានវ័យចាស់ដូចជាលោកយាយ គឺដេកតែមួយកន្លែងឱ្យកូនចៅបម្រើ ប៉ុណ្ណោះ ។ ចំណែកលោកយាយ Quaas នៅតែទៅហាត់កីឡាបានជារៀងរាល់ថ្ងៃ ពិតជារឿងដ៏អស្ចារ្យមិនធ្លាប់មានពីមុនមក ៕
ប្រែសម្រួល៖ ម៉ែវ សាធី
