ក្រុងប៉ោយប៉ែត៖ ចោរវ័យក្មេងម្នាក់ ចូលលួចទ្រព្យសម្បត្ដិរបស់គេបានយ៉ាងច្រើនតែគេចមិនផុតត្រូវកម្លាំងអាវុធហត្ថក្រុងប៉ោយប៉ែតឃាត់ខ្លួនរួចបញ្ជូន ទៅមូលដ្ឋានកងរាជអាវុធហត្ថក្រុងដើម្បីសាកសួរនៅវេលាម៉ោង៩យប់ថ្ងៃទី១៣ ខែមករា ឆ្នាំ២០១៦ នៅភូមិអូរនាង សង្កាត់ផ្សារកណ្ដាល ក្រុងប៉ោយប៉ែត ខេត្ដបន្ទាយមានជ័យ ។
លោកឧត្ដមសេនីយ៍ត្រី ឱ បូរិន្ទ មេ បញ្ជាការកងរាជអាវុធហត្ថខេត្ដបន្ទាយមានជ័យបានឱ្យដឹងថា យោងតាមពាក្យ បណ្ដឹងឈ្មោះ ហ៊ុន សម្បត្ដិ ភេទប្រុស អាយុ៤៥ឆ្នាំ រស់នៅក្នុងភូមិអូរនាង សង្កាត់ផ្សារកណ្ដាល ក្រុងប៉ោយប៉ែត ខេត្ដបន្ទាយមានជ័យ បានប្ដឹងជនសង្ស័យ ឈ្មោះ ង៉ែត វល័ក្ខ ភេទប្រុស អាយុ២៦ ឆ្នាំ បានចូលលួចទ្រព្យសម្បត្ដិរបស់ខ្លួន មានដូចជា ប័ណ្ណបើកបរ១សន្លឹក, អត្ដ សញ្ញាណប័ណ្ណសញ្ជាតិខ្មែរ១សន្លឹក, ប័ណ្ណ សារព័ត៌មានចំនួន២សន្លឹក, កាតសម្រាប់ បញ្ជូលទឹកប្រាក់ទូរស័ព្ទមួយចំនួនប្រាក់ ដុល្លារចំនួន១៦០ដុល្លារ, ប្រាក់បាទចំនួន ១.០០០បាតនិងប្រាក់រៀលមួយចំនួនធំ ទៀត ។
លោកឧត្ដមសេនីយ៍ត្រី ឱ បូរិន្ទ បញ្ជាក់ថា ក្រោយពីបានទទួលពាក្យ បណ្ដឹងរួចមកលោកបានចាត់កម្លាំង លោកវរ៉សេនីយ៍ត្រី ជា ដា មេបញ្ជាការ មូលដ្ឋានកងរាជអាវុធហត្ថក្រុងប៉ោយ ប៉ែតចុះស្រាវជ្រាវរហូតឈានដល់ឃាត់ខ្លួនជនសង្ស័យឈ្មោះ ង៉ែត វល័ក្ខ រួច បញ្ជូនមកទីបញ្ជាកការកងរាជអាវុធ ហត្ថខេត្ដដើម្បីចាត់ការតាមច្បាប់ ។
នៅមុខអាវុធហត្ថជនសង្ស័យបាន ឆ្លើយថាខ្លួនគេពិតជាបានចូលលួចទ្រព្យសម្បត្ដិរបស់ឈ្មោះ ហ៊ុន សម្បត្ដិ ពិត មែន ។ ជនសង្ស័យត្រូវបានអាវុធហត្ថ ខេត្ដកសាងសំនុំរឿងបញ្ជូនទៅតុលាការ ដើម្បីដាក់ទោសទៅតាមផ្លូវច្បាប់ ៕
ដោយ៖ វណ្ណា
